Pahāso nāma nirayoti visuṃ pahāsanāmako nirayo nāma natthi, avīcisseva
pana ekasmiṃ koṭṭhāse naccantā viya gāyantā viya ca naṭavesaṃ gahetvāva
paccanti, taṃ sandhāyetaṃ vuttaṃ. Nāhaṃ bhante etaṃ rodāmīti ahaṃ bhante etaṃ
bhagavato byākaraṇaṃ na rodāmīti evaṃ sakammakavasenettha attho veditabbo, na
assuvimocanamattena. "mataṃ vā amma rodantī"tiādayo cettha aññepi vohārā
veditabbā.
3-5. Yodhājīvasuttādivaṇṇanā
[355-357] Tatiye yodhājīvoti yuddhena jīvitaṃ kappanako dhammasaṅgāhakattherehi
evaṃ gahitanāmo. Ussahati vāyamatīti ussāhaṃ vāyāmaṃ karoti. Pariyāpādentīti maraṇaṃ
paṭipajjāpenti. Dukkaṭanti duṭṭhu kataṃ. Duppaṇihitanti duṭṭhu ṭhapitaṃ. Parajito 1-
nāma nirayoti ayampi na visuṃ eko nirayo, avīcisseva pana ekasmiṃ koṭṭhāse
pañcāvudhasannaddhā phalakahatthā hatthiassarathe āruyha saṅgāme yujjhantā viya
paccanti, taṃ sandhāyetaṃ vuttaṃ. Catutthapañcamesupi eseva nayo.
6. Asibandhakaputtasuttavaṇṇanā
[358] Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno.
Sevālamālikāti pātova udakato sevālañceva uppalādīni ca gahetvā
udakasuddhikabhāvajānanatthāya mālaṃ katvā pilandhanakā. Udakorohakāti sāyaṃ pātaṃ udakaṃ
orohanakā. Uyyāpentīti upari yāpenti. Saññāpentīti sammā ñāpenti.
Saggaṃ nāma okkāpentīti parivāretvā ṭhitā "gaccha bho brahmalokaṃ, gaccha bho
brahmalokan"ti vadantā saggaṃ pavesenti. Anuparisakkeyyāti anuparigaccheyya.
Ummajjāti ummajja uṭṭhaha. Thalamuplavāti thalaṃ abhiruyha. Tatra yāssāti tatra
yaṃ bhaveyya. Sakkharā vā kaṭhalā vāti sakkharā ca kaṭhalā ca. Sā adhogāmī assāti
sā adho gaccheyya, heṭṭhāgāmī bhaveyya. Adho gacchāti heṭṭhā gaccha.
@Footnote: 1 Sī.,ka. sarajito
The Pali Atthakatha in Roman Character Volume 13 Page 165.
http://84000.org/tipitaka/read/attha_page.php?book=13&page=165&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=3606&pagebreak=1
http://84000.org/tipitaka/atthapali/rm_line.php?B=13&A=3606&pagebreak=1#p165
