บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓) หน้าที่ ๑๗๔.
อยํ โว อมฺหากํ อนุสาสนีติ อยํ อมฺหากํ สนฺติกา "ฌายถ มา ปมาทตฺถา"ติ ตุมฺหากํ อนุสาสนี, โอวาโทติ วุตฺตํ โหติ. ---------------- ๒. ทุติยวคฺค ๑-๓๓. อสงฺขตสุตฺตาทิวณฺณนา [๓๗๗-๔๐๙] กาเย กายานุปสฺสีติอาทีสุ ยํ วตฺตพฺพํ, ตํ ปรโต วกฺขาม. อนตนฺติอาทีสุ ตณฺหานติยา ๑- อภาเวน อนตํ. จตุนฺนํ อาสวานํ อภาเวน อนาสวํ. ปรมตฺถสจฺจตาย สจฺจํ. วฏฺฏสฺส ปรภาคฏฺเฐน ปารํ สณฺหฏฺเฐน นิปุณํ. สุฏฺฐุ ทุทฺทสตาย สุทุทฺทสํ. ชราย อชริตตฺตา อชชฺชรํ. ๒- ถิรฏฺเฐน ธุวํ. อปลุชฺชนตาย อปโลกิตํ. จกฺขุวิญฺญาเณน อปสฺสิตพฺพตฺตา อนิทสฺสนํ. ตณฺหามานทิฏฺฐิปปญฺจานํ อภาเวน นิปฺปปญฺจํ. สนฺตภาวฏฺเฐน สนฺตํ. มรณาภาเวน อมตํ. อุตฺตมฏฺเฐน ปณีตํ. สสฺสิริกฏฺเฐน สิวํ. นิรุปทฺทวตาย เขมํ. ตณฺหกฺขยสฺส ปจฺจยตฺตา ตณฺหกฺขยํ. วิมฺหาปนียฏฺเฐน อจฺฉรํ ปหริตพฺพยุตฺตกนฺติ อจฺฉริยํ. อภูตเมว ภูตํ, ๓- อชาตํ หุตฺวา อตฺถีติ ๔- อพฺภุตํ. นิทฺทุกฺขตฺตา อนีติกํ. นิทฺทุกฺขสภาวตฺตา อนีติกธมฺมํ. วานาภาเวน นิพฺพานํ. พฺยาปชฺฌาภาเวเนว อพฺยาปชฺฌํ. วิราคาธิคมสฺส ปจฺจยโต วิราคํ. ปรมตฺถสุทฺธิตาย สุทฺธิ. ตีหิ ภเวหิ มุตฺตตาย มุตฺติ. กามาลยานํ อภาเวน อนาลยํ. ปติฏฺฐฏฺเฐน ทีปํ. อลฺลียิตพฺพยุตฺตฏฺเฐน เลณํ. ตายนฏฺเฐน ตาณํ. ภยสรณฏฺเฐน สรณํ. ภยนาสนนฺติ อตฺโถ. ปรํ อยนํ คติ ปติฏฺฐาติ ปรายณํ. เสสเมตฺถ วุตฺตนยเมวาติ. อสงฺขตสํยุตฺตวณฺณนา นิฏฺฐิตา ---------- @เชิงอรรถ: ๑ สี.,ก. ตณฺหารติยา ๒ สี. อชชฺชริตตฺตา อชรํ, ก. อชฺชชฺชริตตฺตา อชชฺชรํ @๓ สี.,ก. อพฺภุตํ ๔ สี. อตฺถีติ วาเนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๑๗๔. http://84000.org/tipitaka/read/attha_page.php?book=13&page=174&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=3791&modeTY=2&pagebreak=1 http://84000.org/tipitaka/atthapali/th_line.php?B=13&A=3791&modeTY=2&pagebreak=1#p174
จบการแสดงผล หน้าที่ ๑๗๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]