บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 195.
Vuccati, tassa tassa patipakkhadhammapaccayava tantam vedayitam adhippetam. Chandavupasamapaccayatiadisu pana chandavupasamapaccaya tava pathamajjhanavedana veditabba, vitakkavupasamapaccaya dutiyajjhanavedana, sannapaccaya cha samapattivedana, sannavupasamapaccaya nevasannanasannayatanavedana. Chando ca vupasantotiadini vuttatthaneva. 3-7. Sekkhasuttadivannana [13-17] Tatiye sekkhoti sikkhanasilo. Kim sikkhatiti? tisso sikkha. Sekkhayati tihi phalehi catuhi ca maggehi saddhim uppannaya. Sapi hi anitthitakiccatta attano kiccam sikkhate vati sekkha. Catutthapancamachatthasattamani uttanatthanevati. 8-10. Pathamakukkutaramasuttadivannana [18-20] Atthame ummangoti pannaummango, pannavimamsanam pannagavesananti attho. Evam hi tvam avusoti idam tassa pucchapatitthapanatthaya aha. Navamadasamani uttanatthanevati. Dutiyo vaggo. ----------- 3. Micchattavaggavannana [21-30] Tatiyavaggassa pathame micchattanti micchasabhavam. Sammattanti sammasabhavam. Micchapatipattadhikaranahetuti micchapatipattikaranahetu. Yasma micchapatipattim karoti, tasmati attho. Naradhakoti na sampadako. Nayam dhammanti ariyamaggadhammam. Micchananiti micchavinnano micchapaccavekkhano.The Pali Atthakatha in Roman Character Volume 13 Page 195. http://84000.org/tipitaka/read/attha_page.php?book=13&page=195&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4243&modeTY=2&pagebreak=1 http://84000.org/tipitaka/atthapali/rm_line.php?B=13&A=4243&modeTY=2&pagebreak=1#p195
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]