บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 197.
5. Aññatitthiyapeyyālavaggavaṇṇanā [41-48] Aññatitthiyapeyyāle addhānapariññatthanti saṃsāraddhānaṃ nibbānaṃ patvā pariññātaṃ nāma hoti, tasmā nibbānaṃ "addhānapariññā"ti vuccati, tadatthanti attho. Anupādāparinibbānatthanti apaccayaparinibbānatthaṃ. Iti imasmiṃ peyyāle vijjāvimuttiphalena arahattaṃ kathitaṃ, ñāṇadassanena paccavekkhaṇā, sesehi nibbānanti. Aññatitthiyapeyyālo. --------------- 6. Sūriyapeyyālavaggavaṇṇanā [49-62] Sūriyapeyyāle aruṇuggaṃ viya kalyāṇamittatā, kalyāṇamittatāya ṭhatvā nibbattito savipassanaariyamaggo sūriyapātubhāvo viyāti evaṃ sabbattha attho veditabbo. Sīlasampadāti catupārisuddhisīlaṃ. Chandasampadāti kusalakattukamyatāchando. 1- Attasampadāti sampannacittatā. Diṭṭhisampadāti ñāṇasampatti. Appamādasampadāti kārāpakaappamādasampatti. Yonisomanasikārasampadāti upāyamanasikārasampatti. Puna kalyāṇamittatātiādīni sammādiṭṭhiādīnaṃ aññenapi ākārena bhāvadassanatthaṃ 2- vuttāni. Sabbāneva cetāni suttāni pāṭiyekkaṃ puggalajjhāsayavasena vuttānīti. Sūriyapeyyālavaggo. --------------- 7. Ekadhammapeyyālavaggādivaṇṇanā [63-138] Ekadhammapeyyālopi gaṅgāpeyyālopi pāṭiyekkaṃ puggalajjhāsayavaseneva tathā tathā vutte bujjhanakānaṃ ajjhāsayavasena kathito. @Footnote: 1 Sī. kattukamyatākusalacchando 2 Ma. bhāvanādassanatthaṃThe Pali Atthakatha in Roman Character Volume 13 Page 197. http://84000.org/tipitaka/read/attha_page.php?book=13&page=197&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4286&pagebreak=1 http://84000.org/tipitaka/atthapali/rm_line.php?B=13&A=4286&pagebreak=1#p197
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]