ATTHAKATHA Book 13 : PALI ROMAN
Sam.A. (sarattha.3)
Page 197.

                    5. Annatitthiyapeyyalavaggavannana
    [41-48] Annatitthiyapeyyale addhanaparinnatthanti samsaraddhanam
nibbanam patva parinnatam nama hoti, tasma nibbanam "addhanaparinna"ti
vuccati, tadatthanti attho. Anupadaparinibbanatthanti apaccayaparinibbanattham. Iti
imasmim peyyale vijjavimuttiphalena arahattam kathitam, nanadassanena paccavekkhana,
sesehi nibbananti.
                         Annatitthiyapeyyalo.
                         ---------------
                      6. Suriyapeyyalavaggavannana
    [49-62] Suriyapeyyale arunuggam viya kalyanamittata, kalyanamittataya
thatva nibbattito savipassanaariyamaggo suriyapatubhavo viyati evam sabbattha
attho veditabbo. Silasampadati catuparisuddhisilam. Chandasampadati
kusalakattukamyatachando. 1- Attasampadati sampannacittata. Ditthisampadati
nanasampatti. Appamadasampadati karapakaappamadasampatti. Yonisomanasikarasampadati
upayamanasikarasampatti. Puna kalyanamittatatiadini sammaditthiadinam annenapi
akarena bhavadassanattham 2- vuttani. Sabbaneva cetani suttani patiyekkam
puggalajjhasayavasena vuttaniti.
                         Suriyapeyyalavaggo.
                         ---------------
                    7. Ekadhammapeyyalavaggadivannana
    [63-138] Ekadhammapeyyalopi gangapeyyalopi patiyekkam
puggalajjhasayavaseneva tatha tatha vutte bujjhanakanam ajjhasayavasena kathito.
@Footnote: 1 Si. kattukamyatakusalacchando         2 Ma. bhavanadassanattham


The Pali Atthakatha in Roman Character Volume 13 Page 197.
http://84000.org/tipitaka/read/attha_page.php?book=13&page=197&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=4286&modeTY=2&pagebreak=1
http://84000.org/tipitaka/atthapali/rm_line.php?B=13&A=4286&modeTY=2&pagebreak=1#p197