บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Saṃ.A. (sārattha.3) Page 202.
Yatheva hi tesaṃ puratthimadisādīhi āgatānaṃ khattiyādīnaṃ vāso āgantukāgāre ijjhati, evaṃ imesaṃ abhiññā pariññeyyātiādīnaṃ dhammānaṃ abhiññā parijānanādīhi sahavipassanassa ariyamaggassa bhāvanāya ijjhanti, tenetaṃ vuttaṃ. Nadīsuttaṃ heṭṭhā vuttanayamevāti. Balakaraṇīyavaggo. ---------- 7. Esanāvagga 1. Esanāsuttavaṇṇanā [161] Esanāvagge kāmesanāti kāmānaṃ esanā gavesanā magganā paṭṭhanā. Bhavesanāti bhavānaṃ esanā. Brahmacariyesanāti micchādiṭṭhisaṅkhātassa brahmacariyassa esanā. 2-11. Vidhāsuttādivaṇṇanā [162-171] Vidhāti mānakoṭṭhāsā mānaṭṭhapanā vā. Seyyohamasmīti vidhāti ahamasmi seyyoti evaṃ mānakoṭṭhāsā mānaṭṭhapanā vā. Nīghāti dukkhā. Vacanattho panettha yassa uppajjanti, taṃ purisaṃ nīharantīti nīghā. Sesamettha uttānamevāti. Esanāvaggo. ---------The Pali Atthakatha in Roman Character Volume 13 Page 202. http://84000.org/tipitaka/read/attha_page.php?book=13&page=202&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4392&pagebreak=1 http://84000.org/tipitaka/atthapali/rm_line.php?B=13&A=4392&pagebreak=1#p202
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]