Chasu dvaresu kayasamvaro kayasucaritam, vacisamvaro vacisucaritam, manosamvaro
manosucaritanti tineva sucaritani honti, evam indriyasamvaro tini sucaritani
paripuretiti veditabbo. Ettavata silanurakkhitam indriyasamvarasilam kathitam.
Kayaduccaritam pahayatiadisu tividham kayaduccaritam, catubbidham vaciduccaritam,
tividham manoduccaritam. Tassa patipakkhavasena kayasucaritadini veditabbani. Ettavata
kayasamvaravacisamvarehi patimokkhasilam, manosamvarena tini silaniti catuparisuddhisilam
kathitam hoti. Sakale pana imasmim sutte sucaritamulaka satipatthana lokuttaramissaka,
sattannam bojjhanganam mulabhuta satipatthana pubbabhaga, tepi satipatthanamulaka
bojjhanga pubbabhagava. Vijjavimuttimulaka pana lokuttarava kathitati veditabba.
Sattamam uttanatthameva. 1-
8. Upavanasuttavannana
[189] Atthame paccattanti attanava. Yonisomanasikarati yoniso
manasikarena. Arabbhamanovati kurumanoyeva. Suvimuttanti kammatthanavimuttiya
sutthu vimuttam. Atthikatvati 2- attham karitva. Atthiko hutvati vuttam hoti.
9. Pathamauppannasuttavannana
[190] Navame nannatra tathagatassa patubhavati tathagatassa patubhavam
vina, na annasmim kale uppajjantiti attho.
10. Dutiyauppannasuttavannana
[191] Dasame nannatra sugatavinayati sugatovadam vina na uppajjantiti.
Pabbatavaggo pathamo.
-------------
@Footnote: 1 cha.Ma. uttanameva 2 cha.Ma. atthim katvati
The Pali Atthakatha in Roman Character Volume 13 Page 214.
http://84000.org/tipitaka/read/attha_page.php?book=13&page=214&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=4650&modeTY=2&pagebreak=1
http://84000.org/tipitaka/atthapali/rm_line.php?B=13&A=4650&modeTY=2&pagebreak=1#p214
