Duribhavena byapadarahitatta abyapajjho nama hoti. Tanhaya pahana kammam
pahiyatiti yam tanhamulakam kammam uppajjeyya, tam tanhapahanena pahiyati.
Kammassa pahana dukkhanti yampi kammamulakam vattadukkham uppajjeyya, tam
kammappahanena pahiyati. Tanhakkhayadayo tanhadinamyeva khaya, atthato panetehi
nibbanam kathitanti veditabbam. Sattamam uttanameva.
8. Nibbedhabhagiyasuttavannana
[209] Atthame nibbedhabhagiyanti nibbijjhanakotthasiyam. Satisambojjhangam
bhavitenati satisambojjhangena 1- bhavitena, satisambojjhangam va bhavetva
thitena, evamettha maggabojjhanga missaka. Tehi bhavitam, te va bhavetva thitam
cittam 2- nibbattitalokuttarameva. Tampi pana magganissitam katva missakameva
kathetum vattati.
9. Ekadhammasuttavannana
[210] Navame sannojanavinibandhati sannojanasankhata vinibandha.
Ajjhosanati parinitthapetva gahana.
10. Udayisuttavannana
[211] Dasame abahukatoti akatabahumano. Ukkujjavakujjanti ettha
ukkujjam vuccati udayo, avakujjam vayoti udayabbayavasena parivattento sammasantoti
dipeti. Dhammo ca me bhante abhisamitoti vipassanadhammo abhisamagato.
@Footnote: 1 Ma. satisambojjhange 2 Ma. thitam cittam nipphattitam cittam
The Pali Atthakatha in Roman Character Volume 13 Page 217.
http://84000.org/tipitaka/read/attha_page.php?book=13&page=217&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=13&A=4711&modeTY=2&pagebreak=1
http://84000.org/tipitaka/atthapali/rm_line.php?B=13&A=4711&modeTY=2&pagebreak=1#p217
