บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 219.
8. Avarananivaranasuttavannana [219] Atthame pannaya dubbalikaranati pannaya mandabhavakaRa. Nivaranananhi abhinhuppade sati antarantara uppajjamana panna dubbala hoti manda avisada. Panca 1- nivarana tasmim samaye na honti, sattabojjhanga tasmim samaye bhavanaparipurim gacchantiti ariyasavakassa hi sappayadhammassavanam sunantassa panca nivarana dure honti. So sace tasmimyeva thane visesam nibbattetum sakkoti, evamassa satta bojjhanga bhavanaparipurim gacchanti. No ce sakkoti, tato vutthaya 2- rattitthanadivatthanam gato tameva pitim avijahanto panca nivarane vikkhambhetva visesam nibbattessati, tattha asakkontopi yava sattadivasabbhantara tameva pitim avijahanto nivarane vikkhambhetva visesam nibbattessatiti idam sandhayetam vuttam. Dhammassavanavasena sakim pitipamojjapakkhiya patiladdhabojjhanga hi kammaramatadini agamma nassanti. Tatharupam pana utusappayadim labhitva puna uppajjantapi tasmim samaye bhavanaparipurim gacchanti icceva vuccati. 9. Rukkhasuttavannana [220] Navame ajjharuhati abhiruhanaka. Kacchakoti atthikacchako. Kapitthanoti makkatathanasadisaphalo vijatamilakkhu. 3- 10. Nivaranasuttavannana [221] Dasame andhakaranati andhabhavakarana. Acakkhukaranati pannacakkhussa akarana. Pannanirodhikati pannaya nirodhana. Vighatapakkhiyati dukkhapakkhika. @Footnote: 1 Si.,ka. pancassa 2 Si.,ka. patthaya 3 cha.Ma. vijatapilakkhoThe Pali Atthakatha in Roman Character Volume 13 Page 219. http://84000.org/tipitaka/read/attha_page.php?book=13&page=219&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=4751&modeTY=2&pagebreak=1 http://84000.org/tipitaka/atthapali/rm_line.php?B=13&A=4751&modeTY=2&pagebreak=1#p219
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]