ATTHAKATHA Book 13 : PALI ROMAN
Sam.A. (sarattha.3)
Page 245.

                         6. Abhayasuttavannana
    [237] Chatthe annanaya adassanayati annanatthaya adassanatthaya.
Taggha bhagava nivaranati ekamsena bhagava nivarana. Kayakilamathoti kayadaratho.
Cittakilamathoti cittadaratho. Sopi me patippassaddhoti tassa kira satthu santike
sitalam utusappayatthanam pavisitva nisinnassa kayadaratho patippassambhi, tasmim
patippassaddhe tadanvayeneva cittadarathopi. Apica maggenevassa etam ubhayampi
patippasaddhanti 1- veditabbam.
                          -------------
                          7. Anapanavagga
                     1. Atthikamahapphalasuttadivannana
    [238] Sattamadisu atthikasannati atthikam atthikanti bhaventassa
uppannasanna. Tam panetam bhavayato yava nimittam na uppajjati, tava chavipi
cammampi upatthati. Nimitte pana uppanne chavicammani neva upatthahanti,
sankhavanno suddhaatthikasanghatova upatthati hatthikkhandhagatam dhammikatissarajanam
olokentassa samanerassa viya, patimagge hasamanam itthim olokentassa
cetiyapabbatavasino tissattherassa viya cati. Vatthuni visuddhimagge 2-
vittharitani. Sati va upadiseseti gahanasese upadanasese vijjamanamhi.
                      2-10. Pulavakasuttadivannana
    [239-247] Pulavakasannati pulavanti bhaventassa uppannasanna.
Vinilakasannadisupi eseva nayo. Vinicchayakatha panettha saddhim bhavananayena
@Footnote: 1 cha.Ma. passaddhanti         2 visuddhi. 1/25 (sya)


The Pali Atthakatha in Roman Character Volume 13 Page 245.
http://84000.org/tipitaka/read/attha_page.php?book=13&page=245&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=13&A=5334&modeTY=2&pagebreak=1
http://84000.org/tipitaka/atthapali/rm_line.php?B=13&A=5334&modeTY=2&pagebreak=1#p245