อรรถกถาเล่มที่ ๑๓ ภาษาบาลี อักษรไทย
สํ.อ. (สารตฺถ.๓)
หน้าที่ ๓๑๒.

                      ๙-๑๐. สมฺปนฺนสุตฺตาทิวณฺณนา
    [๔๘๙-๔๙๐] นวเม อินฺทฺริยสมฺปนฺโนติ ปริปุณฺณินฺทฺริโย. ทสมํ
อุตฺตานเมว. อิมสฺมึ สุตฺตทฺวเย มิสฺสกานิ อินฺทฺริยานิ กถิตานีติ.
                         มุทุตรวคฺโค ทุติโย.
                           -----------
                          ๓. ฉฬินฺทฺริยวคฺค
                       ๒. ชีวิตินฺทฺริยสุตฺตวณฺณนา
    [๔๙๒] ตติยวคฺคสฺส ทุติเย อิตฺถินฺทฺริยนฺติอาทีสุ อิตฺถิภาเว อินฺทฏฺฐํ
กโรตีติ อิตฺถินฺทฺริยํ. ปุริสภาเว อินฺทฏฺฐํ กโรตีติ ปุริสินฺทฺริยํ. ชีวิเต
อินฺทฏฺฐํ กโรตีติ ชีวิตินฺทฺริยํ. อตฺถุปฺปตฺติกํ กิเรตํ สุตฺตํ. สํฆมชฺฌสฺมึ หิ
"กติ นุ โข วฏฺฏินฺทฺริยานี"ติ กถา อุทปาทิ, อถ ภควา วฏฺฏินฺทฺริยานิ ทสฺเสนฺโต
ตีณิมานิ ภิกฺขเวติอาทิมาห.
                       ๓. อญฺญินฺทฺริยสุตฺตวณฺณนา
    [๔๙๓] ตติเย อนญฺญาตญฺญสฺสามีตินฺทฺริยนฺติ "อนมตคฺเค สํสาเร
อชานิตปุพฺพํ ธมฺมํ ชานิสฺสามี"ติ ปฏิปนฺนสฺส โสตาปตฺติมคฺคกฺขเณ
อุปฺปนฺนอินฺทฺริยํ. อญฺญินฺทฺริยนฺติ เตสญฺเญว ญาตธมฺมานํ อาชานนากาเรน
โสตาปตฺติผลาทีสุ ฉสุ ฐาเนสุ อุปฺปนฺนํ อินฺทฺริยํ. อญฺญาตาวินฺทฺริยนฺติ
อญฺญาตาทีสุ อรหตฺตผเล ธมฺเมสุ อุปฺปนฺนํ อินฺทฺริยํ. ตตฺถ ตตฺถ เตน เตนากาเรน
อุปฺปนฺนสฺส ญาณสฺเสเวตํ อธิวจนํ. อิทมฺปิ สุตฺตํ อตฺถุปฺปตฺติกเมว. สํฆมชฺฌสฺมึ
หิ "กติ นุ โข โลกุตฺตรินฺทฺริยานี"ติ กถา อุทปาทิ, อถ ภควา ตานิ ทสฺเสนฺโต
ตีณิมานิ ภิกฺขเว อินฺทฺริยานีติอาทิมาห.


เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๑๒.
http://84000.org/tipitaka/read/attha_page.php?book=13&page=312&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=13&A=6812&modeTY=2&pagebreak=1
http://84000.org/tipitaka/atthapali/th_line.php?B=13&A=6812&modeTY=2&pagebreak=1#p312