อรรถกถาเล่มที่ ๑๓ หน้าที่ ๓๒๓.

นิพฺพานํ อนุปวิฏฺฐํ. พฺรหฺมจริยนฺติ มคฺคพฺรหฺมจริยํ. นิพฺพานปรายนนฺติ นิพฺพานํ ปรํ อยนํ อสฺส ปรา คติ, น ตโต ปรํ คจฺฉตีติ อตฺโถ. นิพฺพานํ ปริโยสานํ อวสานํ อสฺสาติ นิพฺพานปริโยสานํ. มูลชาตา ปติฏฺฐิตาติ มคฺเคนาคตสทฺธา วุจฺจติ. อิมมฺหิ เจ ภิกฺขเว สมเยติ กึ สนฺธายาห? ฌานอนาคามิตํ. ตสฺมึ หิ สมเย พฺราหฺมณสฺส ปฐมมคฺเคน ปญฺจ อกุสลจิตฺตานิ ปหีนานิ, ปฐมชฺฌาเนน ปญฺจ นีวรณานีติ ปรินิพฺพาเยยฺย. สเจ ปนสฺส ปุตฺตทารํ อนุสาสนฺตสฺส กมฺมนฺเต วิจาเรนฺตสฺส ฌานํ นสฺสติ, นฏฺเฐ ฌาเน คติ อนิพทฺธา โหติ, อนฏฺเฐ ปน นิพทฺธาติ อิมํ ฌานอนาคามิตํ สนฺธาเยวมาห. ๓. สาเกตสุตฺตวณฺณนา [๕๑๓] ตติเย อญฺชนวเนติ อญฺชนวณฺณปุปฺผานํ รุกฺขานํ โรปิตวเน. ยํ ภิกฺขเว สทฺธินฺทฺริยํ, ตํ สทฺธาพลนฺติ ตํ หิ อธิโมกฺขลกฺขเณ อินฺทฏฺเฐน สทฺธินฺทฺริยํ, อสทฺธินฺทฺริเย ^๑- อกมฺปเนน สทฺธาพลํ. อิตเรสํ ปคฺคหอุปฏฺฐานอวิกฺเขปปชานน- ลกฺขเณสุ อินฺทฏฺเฐน อินฺทฺริยภาโว, โกสชฺชมุฏฺฐสจฺจวิกฺเขปาวิชฺชาสุ อกมฺปเนน พลภาโว เวทิตพฺโพ. เอวเมว โขติ ตสฺสา นทิยา เอกโสตํ วิย สทฺธาวีริยสติ- สมาธิปญฺญาวเสน เอเตสํ นินฺนานาการณํ เวทิตพฺพํ, เทฺว โสตานิ วิย อินฺทฏฺฐอกมฺปนฏฺเฐหิ อินฺทฺริยพลวเสน นานากรณํ เวทิตพฺพํ. ๔. ปุพฺพโกฏฺฐกสุตฺตวณฺณนา [๕๑๔] จตุตฺเถ อมโตคธนฺติ อมตพฺภนฺตรํ. อมตปรายนนฺติ อมตนิพฺพตฺติกํ. อมตปริโยสานนฺติ อมตนิฏฺฐํ. สาธุ สาธูติ เถรสฺส พฺยากรณํ ปสํสนฺโต สาธุการํ เทติ. @เชิงอรรถ: ^๑ ฉ.ม. อสฺสทฺธิเย

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๒๓. http://84000.org/tipitaka/read/attha_page.php?book=13&page=323&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=7050&modeTY=2&pagebreak=1 http://84000.org/tipitaka/atthapali/th_line.php?B=13&A=7050&modeTY=2&pagebreak=1#p323