อรรถกถาเล่มที่ ๑๓ หน้าที่ ๓๔๑.

๘. อนุรุทฺธสํยุตฺต ๑. รโหคตวคฺค ๑-๒. ปฐมรโหคตสุตฺตาทิวณฺณนา [๘๙๙-๙๐๐] อนุรุทฺธสํยุตฺตสฺส ปฐเม อารทฺธาติ ปริปุณฺณา. สงฺเขปโต ปเนตฺถ ฉตฺตึสาย ฐาเนสุ อรหตฺตํ ปาเปตฺวา วิปสฺสนา กถิตา, ทุติเย ทฺวาทสสุ ฐาเนสุ อรหตฺตํ ปาเปตฺวา วิปสฺสนา กถิตา. ๓. สุตนุสุตฺตวณฺณนา [๙๐๑] ตติเย มหาภิญฺญตฺตนฺติ ^๑- ฉอภิญฺญาภาวํ. หีนํ ธมฺมนฺติอาทีสุ อิมาย ปาฬิยา อตฺโถ เวทิตพฺโพ:- "กตเม ธมฺมา หีนา, ทฺวาทส อกุสลจิตฺตุปฺปาทา, อิเม ธมฺมา หีนา. กตเม ธมฺมา มชฺฌิมา, ตีสุ ภูมีสุ กุสลํ, ตีสุ ภูมีสุ วิปาโก, ตีสุ ภูมีสุ กิริยาพฺยากตํ สพฺพญฺจ รูปํ, อิเม ธมฺมา มชฺฌิมา. กตเม ธมฺมา ปณีตา, จตฺตาโร มคฺคา อปริยาปนฺนา, จตฺตาริ จ สามญฺญผลานิ นิพฺพานญฺจ, อิเม ธมฺมา ปณีตา"ติ. ^๒- ๔-๗. ปฐมกณฺฑกีสุตฺตาทิวณฺณนา [๙๐๒-๙๐๕] จตุตฺเถ กณฺฑกีวเนติ มหากรมนฺทวเน. ฉฏฺเฐ สหสฺสํ โลกนฺติ อิมินา เถรสฺส สตตวิหาโร ทสฺสิโต. เถโร หิ ปาโตว มุขํ โธวิตฺวา อตีตานาคเต กปฺปสหสฺสํ อนุสฺสรติ. ปจฺจุปฺปนฺเน ปน ทสจกฺกวาฬสหสฺสํ เอกาวชฺชนสฺส อาปาถํ อาคจฺฉติ. สตฺตมํ อุตฺตานเมว. @เชิงอรรถ: ^๑ ฉ.ม. มหาภิญฺญตนฺติ ^๒ อภิ.สงฺ. ๓๔/๑๔๒๓-๒๕/๓๑๔

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๔๑. http://84000.org/tipitaka/read/attha_page.php?book=13&page=341&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=7432&modeTY=2&pagebreak=1 http://84000.org/tipitaka/atthapali/th_line.php?B=13&A=7432&modeTY=2&pagebreak=1#p341