บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓) หน้าที่ ๓๕๔.
รเถน วา ปํสุปุญฺชสฺส อุปหนนํ วิย กายานุปสฺสนาทีหิ ปาปกานํ อกุสลานํ ธมฺมานํ อุปฆาโต เวทิตพฺโพติ. เอกธมฺมวคฺโค ปฐโม. -------------- ๒. ทุติยวคฺค ๑-๒. อิจฺฉานงฺคลสุตฺตาทิวณฺณนา [๙๘๗-๙๘๘] ทุติยวคฺคสฺส ปฐเม เอวํ พฺยากเรยฺยาถาติ กสฺมา อตฺตโน วิหารสมาปตฺตึ อาจิกฺขติ? อุปารมฺภโมจนตฺถํ. สเจ หิ เต "น ชานามา"ติ วเทยฺยุํ, อถ เนสํ ติตฺถิยา "ตุเมฺห `อสุกสมาปตฺติยา นาม โน สตฺถา เตมาสํ วิหาสี'ติปิ น ชานาถ, อถ กสฺมา นํ อุปฏฺฐหนฺตา วิหรถา"ติ อุปารมฺภํ อาโรเปยฺยุํ, ตโต โมจนตฺถํ เอวมาห. อถ กสฺมา ยถา อญฺญตฺถ "สโตว อสฺสสติ, ทีฆํ วา อสฺสสนฺโต"ติ ๑- เอววากาโร วุตฺโต, เอวํ อิธ น วุตฺโตติ? เอกนฺตสนฺตตฺตา. อญฺเญสญฺหิ อสฺสาโส วา ปากโฏ โหติ ปสฺสาโส วา, ภควโต อุภยํ เจตํ ๒- ปากฏเมว นิจฺจํ อุปฏฺฐิตสฺสติตายาติ เอกนฺตสนฺตตา น วุตฺโต. อถ "สิกฺขามี"ติ อวตฺวา กสฺมา "อสฺสสามี"ติ เอตฺตกเมว วุตฺตนฺติ? สิกฺขิตพฺพาภาวา. สตฺต หิ เสขา สิกฺขิตพฺพภาวา เสขา นาม, ขีณาสวา อสิกฺขิตพฺพาภาวา อเสขา นาม, ตถาคตา อสิกฺขิตพฺพา อเสขา นาม นตฺถิ เตสํ สิกฺขิตพฺพกิจฺจนฺติ สิกฺขิตพฺพาภาวา น วุตฺตํ. ทุติยํ อุตฺตานเมว. @เชิงอรรถ: ๑ ที.มหา. ๑๐/๓๗๔/๒๔๘, ม.มู. ๑๒/๑๐๗/๗๗, สํ.มหา. ๑๙/๙๗๗/๒๖๙ ๒ ฉ.ม. อุภยมฺเปตํเนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๕๔. http://84000.org/tipitaka/read/attha_page.php?book=13&page=354&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=7712&modeTY=2&pagebreak=1 http://84000.org/tipitaka/atthapali/th_line.php?B=13&A=7712&modeTY=2&pagebreak=1#p354
จบการแสดงผล หน้าที่ ๓๕๔.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]