อรรถกถาเล่มที่ ๑๓ หน้าที่ ๓๗๒.

๔. ปมมหทฺธนสุตฺตวณฺณนา [๑๐๔๐] จตุตฺเถ อฑฺโฒ มหทฺธโนติ สตฺตวิเธน อริยธเนน อฑฺโฒ เจว มหทฺธโน จ. เตเนว โภเคน มหาโภโค. เสสํ สพฺพตฺถ อุตฺตานเมวาติ. สคาถกปุญฺาภิสนฺทวคฺโค ปญฺจโม. ------------------- ๖. สปฺปญฺวคฺค ๒. วสฺสํวุตฺถสุตฺตวณฺณนา [๑๐๔๘] ฉฏฺสฺส ทุติเย อยมธิปฺปาโย:- โสตาปนฺโน ภิกฺขุ เอตฺตเกน โวสานํ อนาปชฺชิตฺวา ตาเนว อินฺทฺริยพลโพชฺฌงฺคานิ สโมธาเนตฺวา วิปสฺสนํ วฑฺเฒตฺวา สกทาคามิมคฺคํ ปาปุณิสฺสติ, สกทาคามี อนาคามิมคฺคํ, อนาคามี อรหตฺตมคฺคนฺติ อิมมตฺถํ สนฺธาย ภควตา อิมสฺมึ สุตฺเต สาสเน ตนฺติ ปเวณี กถิตาติ. ๓. ธมฺมทินฺนสุตฺตวณฺณนา [๑๐๔๙] ตติเย ธมฺมทินฺโนติ สตฺตสุ ชเนสุ เอโก. พุทฺธกาลสฺมึ หิ ธมฺมทินฺโน อุปาสโก, วิสาโข อุปาสโก, อุคฺโค คหปติ, จิตฺโต คหปติ, หตฺถโก อาฬวโก, จูฬอนาถปิณฺฑิโก, มหาอนาถปิณฺฑิโกติ อิเม สตฺต ชนา ปญฺจสตอุปาสกปริวารา อเหสุํ. เอเตสุ เอส อญฺตโร. คมฺภีราติ ธมฺมคมฺภีรา สลฺลสุตฺตาทโย. คมฺภีรตฺถาติ อตฺถคมฺภีรา เจตนาสุตฺตนฺตาทโย. โลกุตฺตราติ โลกุตฺตรตฺถทีปกา อสงฺขตสํยุตฺตาทโย. สุญฺตปฏิสํยุตฺตาติ สตฺตสุญฺตาทีปกา ขชฺชนิกสุตฺตนฺตาทโย. อุปสมฺปชฺช วิหริสฺสามาติ ปฏิลภิตฺวา วิหริสฺสาม. เอวํ หิ โว ธมฺมทินฺน สิกฺขิตพฺพนฺติ เอวํ ตุเมฺหหิ จนฺโทปมปฏิปทํ รถวินีตปฏิปทํ โมเนยฺยปฏิปทํ มหาอริยวํสปฏิปทํ ปูเรนฺเตหิ สิกฺขิตพฺพํ. อิติ

เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๓๗๒. http://84000.org/tipitaka/read/attha_page.php?book=13&page=372&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=8106&pagebreak=1 http://84000.org/tipitaka/atthapali/th_line.php?B=13&A=8106&pagebreak=1#p372