บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 13 : PALI ROMAN Sam.A. (sarattha.3) Page 375.
12. Saccasamyutta 1. Samadhivagga 1. Samadhisuttavannana [1071] Saccasamyuttassa pathame samadhim bhikkhaveti te kira bhikkhu cittekaggataya parihayanti, atha nesam sattha "evamete cittekaggatam labhitva kammatthanam vaddhetva visesam papunissanti"ti imam desanam arabhi. Tasma tiha bhikkhave "idam dukkhan"ti yogo karaniyoti ettha yathabhutadivasena karanacchedo veditabbo. Idanhi vuttam hoti:- bhikkhave yasma samahito bhikkhu samahito bhikkhu cattari saccani yathabhutam pajanati, tasma tumhehi ca samahitehi catunnam saccanam yathabhutam pajananatthaya "idam dukkhan"ti yogo karaniyo. Tatha yasma cattari saccani tathagatasseva patubhava pakatani honti, yasma ca tathagatena suvibhattani, yasma ca tesu aparimana vanna aparimanani padabyanjanani, yasma ca tesam appatividdhatta vattam vaddhati, tesam patividdhakalato patthaya na vaddhati, tasma evam no vattam na vaddhissati"ti tumhehi "idam dukkhan"ti yogo karaniyo. 2. Patisallanasuttavannana [1072] Dutiyam kayavivekavikalanam kayavivekapatilabhatthaya vuttam. 3. Pathamakulaputtasuttadivannana [1073-1075] Tatiye abhisamayayati abhisamayatthaya. Samanabrahmanati 1- cettha sasanavacara adhippeta. Tatha catutthapancamesu tena tena abhilapena bujjhanakanam pana ajjhasayenetani vuttani. @Footnote: 1 Si.,ka. samana va brahmana vatiThe Pali Atthakatha in Roman Character Volume 13 Page 375. http://84000.org/tipitaka/read/attha_page.php?book=13&page=375&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=13&A=8160&modeTY=2&pagebreak=1 http://84000.org/tipitaka/atthapali/rm_line.php?B=13&A=8160&modeTY=2&pagebreak=1#p375
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]