ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๓ ภาษาบาลี อักษรไทย สํ.อ. (สารตฺถ.๓)

หน้าที่ ๕๖.

สมนฺนาคตตฺตา จกฺขฺวาทีนิ วา ฉ อินฺทฺริยานิ สมฺมสนฺตสฺส อุปฺปนฺเนหิ
สทฺธาทีหิ อินฺทฺริเยหิ สมนฺนาคตตฺตา ปริปุณฺณินฺทฺริโย นาม โหติ, ตํ สนฺธาย
ภควา จกฺขุนฺทฺริเย เจติอาทินา นเยน เทสนํ วิตฺถาเรตฺวา เอตฺตาวตา โข ภิกฺขุ
อินฺทฺริยสมฺปนฺโน โหตีติ อาห. ทสมํ เหฏฺฐา วุตฺตนยเมวาติ.
                        นวปุราณวคฺโค ปญฺจโม.
                          ตติโย ปณฺณาสโก.
                         --------------
                        ๑๖. ๑. นนฺทิกฺขยวคฺค
                   ๑-๔. อชฺฌตฺตนนฺทิกฺขยสุตฺตาทิวณฺณนา
    [๑๕๖-๑๕๙] นนฺทิกฺขยวคฺคสฺส ปฐเม นนฺทิกฺขยา ราคกฺขโย, ราคกฺขยา
นนฺทิกฺขโยติ นนฺทิยา จ ราคสฺส จ อตฺถโต เอกตฺตา ๑- วุตฺตํ. สุวิมุตฺตนฺติ
อรหตฺตผลวิมุตฺติวเสน สุฏฺฐุ วิมุตฺตํ. เสสเมตฺถ ทุติยาทีสุ จ อุตฺตานเมว.
                   ๕-๖. ชีวกมฺพวนสมาธิสุตฺตาทิวณฺณนา
    [๑๖๐-๑๖๑] ปญฺจมํ สมาธิวิกลฺลานํ, ฉฏฺฐํ ปฏิสลฺลานวิกลานํ
จิตฺเตกคฺคตญฺจ กายวิเวกญฺจ ลภนฺตานํ เอเตสํ กมฺมฏฺฐานํ ผาตึ ๒- คมิสฺสนฺตีติ
ญตฺวา กถิตํ. ตตฺถ โอกฺขายติ ปจฺจกฺขายติ ปญฺญายติ ปากฏํ โหติ. อิติ ทฺวีสุปิ
เอเตสุ สห วิปสฺสนาย จตฺตาโร มคฺคา กถิตา.
                    ๗-๙.  โกฏฐิกอนิจฺจสุตฺตาทิวณฺณนา
    [๑๖๒-๑๖๔] สตฺตมาทีสุ ตีสุ เถรสฺส วิมุตฺติปริปาจริยา ธมฺมา ๓- กถิตา.
@เชิงอรรถ:  สี. เอกตฺตํ         ก. ธาตึ            ฉ. ธมฺมาว



เนื้อความอรรถกถาฉบับภาษาบาลี อักษรไทย เล่มที่ ๑๓ หน้าที่ ๕๖. http://84000.org/tipitaka/read/attha_page.php?book=13&page=56&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=13&A=1199&modeTY=2&pagebreak=1 http://84000.org/tipitaka/atthapali/th_line.php?B=13&A=1199&modeTY=2&pagebreak=1#p56


จบการแสดงผล หน้าที่ ๕๖.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]