บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 105.
Silasamannagatanam satanti silena samanabhavam gatanam santanam. Silakatha ca no bhavissatiti evam samasilanam amhakam silameva arabbha katha bhavissati. Sa ca no pavattini bhavissatiti sa ca amhakam katha divasampi kathentanam pavattissati na patihannissati. Sa ca no phasu bhavissatiti sa ca divasampi pavattamana silakatha amhakam phasuviharo sukhaviharo bhavissati. Samadhipannakathasupi eseva nayo. Silakkhandhanti silarasim. Tattha tattha pannaya anuggahessamiti ettha silassa asappaye anupakare dhamme vajjetva sappaye upakare dhamme sevanto tasmim tasmim thane silakkhandham pannaya anugganhati nama. Samadhipannak- khandhesupi eseva nayo. Nihiyatiti attano hinataram puggalam sevanto kharaparissavane asittaudakam viya satatam samitam hayati parihayati. Tulyaseviti attana samanasevi. Setthamupanamanti setthapuggalam upanamanto. 1- Udeti khippanti khippameva vaddhati. Tasma attano uttarim bhajethati yasma settham puggalam upanamanto udeti khippam, tasma attano uttarim 2- uttaritaram visitthataram bhajetha. 7. Jigucchitabbasuttavannana [27] Sattame jigucchitabboti gutham viya jigucchitabbo. Athakho nanti athakho assa. Kittisaddoti kathasaddo. Evameva khoti ettha guthakupo viya dussilyam guthakupe patitva thitova dhammaniahi viya dussilapuggalo. Datthabbam. Guthakupato uddhariyamanena tena ahina purisassa sariram arulhenapi adatthabhavo viya dussilam sevamanassapi tassa kiriyaya akaranabhavo. Sariram guthena makkhitva 3- ahina gahitakalo 4- viya dussilam sevamanassa papakittisaddaabbhuggamanakalo veditabbo. @Footnote: 1 Si. onamanto panamanto, cha.Ma. onamanto 2 cha.Ma. ayam patho na dissati @3 cha.Ma.,i. makkhetva 4 cha.Ma. gatakaloThe Pali Atthakatha in Roman Character Volume 15 Page 105. http://84000.org/tipitaka/read/attha_page.php?book=15&page=105&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=2347&modeTY=2&pagebreak=1 http://84000.org/tipitaka/atthapali/rm_line.php?B=15&A=2347&modeTY=2&pagebreak=1#p105
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]