บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 153.
Kāraṇāni passantena. Alamevāti yuttameva. Yo dhammaṃ desetīti yo puggalo catusaccadhammaṃ pakāseti. Atthapaṭisaṃvedīti aṭṭhakathaṃ ñāṇena paṭisaṃvedī. Dhamma- paṭisaṃvedīti pālidhammaṃ paṭisaṃvedī. 4. Kathāpavattisuttavaṇṇanā [44] Catutthe ṭhānehīti kāraṇehi. Pavattinīti appaṭihatā niyyānikā. 5. Paṇḍitasuttavaṇṇanā [45] Pañcame paṇḍitapaññattānīti paṇḍitehi paññattāni kathitāni pasatthāni. Sappurisapaññattānīti sappurisehi mahāpurisehi paññattāni kathitāni pasatthāni. Ahiṃsāti karuṇā ceva karuṇāpubbabhāgo ca. Saṃyamoti sīlasaṃyamo. Damoti indriyasaṃvaro, uposathavasena vā attadamanaṃ, puṇṇovāde 1- damoti vuttā khantipi āḷavake 2- vuttā paññāpi imasmiṃ sutte vaṭṭatiyeva. Mātāpituupaṭṭhānanti mātāpitūnaṃ rakkhanaṃ gopanaṃ paṭijagganaṃ. Santānanti aññattha buddhapaccekabuddhaariyasāvakā santo nāma, idha pana mātāpituupaṭṭhākā adhippetā. Tasmā uttamaṭṭhena santānaṃ, seṭṭhacariyaṭṭhena brahmacārīnaṃ. Idaṃ mātāpituupaṭṭhānaṃ sabbhi upaññattanti 3- evamettha attho daṭṭhabbo. Sataṃ etāni ṭhānānīti santānaṃ uttamapurisānaṃ etāni ṭhānāni kāraṇāni. Ariyo dassanasampannoti idha imesaṃyeva tiṇṇaṃ ṭhānānaṃ karaṇena ariyo ceva dassanasampanno ca veditabbo, na buddhādayo na sotāpannā. Athavā sataṃ etāni ṭhānānīti mātupaṭṭhānaṃ pitupaṭṭhānanti etāni ṭhānāni santānaṃ uttamapurisānaṃ kāraṇānīti evaṃ mātāpituupaṭṭhānavasena imissā gāthāya attho veditabbo. Mātāpituupaṭṭhākoyeva hi idha "ariyo dassanasampanno"ti vutto. Sa lokaṃ bhajate sivanti so khemaṃ devalokaṃ gacchati 4-. @Footnote: 1 Ma.u. 14/395/340 puṇṇovādasutta, saṃ.saḷā. 18/8856 puṇṇasutta (syā) @2 saṃ.sa. 15/246/257 āḷavakasutta 3 cha.Ma. upaññātanti 4 cha.Ma. gacchatītiThe Pali Atthakatha in Roman Character Volume 15 Page 153. http://84000.org/tipitaka/read/attha_page.php?book=15&page=153&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=3491&pagebreak=1 http://84000.org/tipitaka/atthapali/rm_line.php?B=15&A=3491&pagebreak=1#p153
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]