บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 161.
Katakiccoti catuhi maggehi kiccam katva thito. Paragu sabbadhammananti sabbadhamma vuccanti pancakkhandha dvadasayatanani attharasa dhatuyo, tesam sabbadhammanam abhinnaparam parinnaparam pahanaparam 1- bhavanaparam sacchikiriyaparam samapattiparancati chabbidham param gatatta paragu. Anupadayati agahetva. Nibbutoti kilesasantaparahito. Virajeti ragadosamoharajarahite. Avijanantati khettam ajananta. Dummedhati nippanna. Assutavinoti khettavinicchayasavanena rahita. Bahiddhati imamha sasana bahiddha. Na hi sante upasareti buddhapaccekabuddhakhinasave uttamapurise na upasankamanti. Dhirasammateti panditehi sammate sankathite. 2- Mulakhata patitthitati imina sotapannassa saddham dasseti. Kule va idha jayareti idha va manussaloke khattiyabrahmanavessakule jayanti. Ayameva hi tividha kulasampatti nama. Anupubbena nibbanam, adhigacchantiti silasamadhipannati ime gune puretva anukkamena nibbanam adhigacchantiti. 8. Tikannasuttavannana [59] Atthame tikannoti tassa namam. Upasankamiti "samano kira gotamo pandito, gacchissami tassa 3- santikan"ti cintetva bhuttapataraso mahajanaparivuto upasankami. Bhagavato sammukhati dasabalassa purato nisiditva. Vannam bhasatiti kasma bhasati? so kira ito pubbe tathagatassa santikam agatapubabo. Athassa etadahosi "buddha nama durasada, mayi pathamataram akathente 4- katheyya va na va. Sace na kathessati, atha mam samagamatthane kathentam evam vakkhanti `tvam idha kasma kathesi, yena te samanassa gotamassa santikam gantva vacanamattampi na laddhan"ti. Tasma "evam me ayam garaha muccissati"ti mannamano bhasati. Kincapi brahmananam @Footnote: 1 Ma. tiranaparam 2 cha.Ma.,i. sambhavite @3 Si.,i. gacchissamissa 4 Ma. kathetvaThe Pali Atthakatha in Roman Character Volume 15 Page 161. http://84000.org/tipitaka/read/attha_page.php?book=15&page=161&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=3671&modeTY=2&pagebreak=1 http://84000.org/tipitaka/atthapali/rm_line.php?B=15&A=3671&modeTY=2&pagebreak=1#p161
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]