บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 204.
Kilesamalabhavena visuddhacitto hotiti attho. Tassati tassa evarupassa ariyasavakassa. Assasati avassaya patittha. Sace kho pana atthi paro lobhoti yadi imamha loka paraloko nama atthi. Yenaham 1- kayassa bheda .pe. Upapajjissamiti atthetam karanam, yenaham kayassa bheda param marana sugatim saggam lokam upapajjissamiti evam sabbattha nayo veditabbo. Anighanti niddukkham. Sukhinti sukhitam. Ubhayeneva visuddham attanam samanupassamiti yanca papa na karomi, yanca karotopi na kariyati, imina ubhayenapi visuddham attanam samanupassami. Sesam sabbattha uttanamevati. 6. Salhasuttavannana [67] Chatthe migaranattati migarasetthino natta. Pekhuniyanattati 2- pekhuniyasetthino natta. Upasankamimsuti bhuttapatarasa dasakammakaraparivuta upasankamimsu. Tesam kira purebhatte pubbanhasamaye gehe eko panho samutthito, tam pana kathetum okaso nahosi. Te "tam panham sossama"ti therassa santikam gantva vanditva tunhi nisidimsu. Thero "gamantasamutthitam 3- panham sotum agata bhavissanti"ti tesam manam natva tatheva panham arabhanto etha tumhe salhatiadimaha. Tattha atthi lobhoti lubbhanasabhavo lobho nama atthiti pucchati. Abhijjhati kho aham salha etamattham vadamiti etam lobhasankhatam attham aham "abhijjha"ti vadami, "tanha"ti vadamiti samutthitapanhassa attham dipento aha. Evam sabbavaresu nayo netabbo. So evam pajanatiti so cattaro brahmavihare bhavetva thito ariyasavako samapattito vutthaya vipassanam arabhanto evam pajanati. Atthi idanti atthi dukkhasaccam dukkhasaccasankhatam khandhapancakam namarupavasena paricchinditva pajananto esa "evam pajanati atthi idan"ti vutto. Hinanti samudayasaccam. @Footnote: 1 Si. thanamaham, cha.Ma.athaham 2 cha.Ma. sekhuniyanatta 3 cha.Ma.,i. game tam samutthitamThe Pali Atthakatha in Roman Character Volume 15 Page 204. http://84000.org/tipitaka/read/attha_page.php?book=15&page=204&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=4704&modeTY=2&pagebreak=1 http://84000.org/tipitaka/atthapali/rm_line.php?B=15&A=4704&modeTY=2&pagebreak=1#p204
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]