บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 225.
2. Ajivakasuttavannana [73] Dutiye tenahi gahapatiti thero kira cintesi "ayam idhagacchanto na annatukamo hutva agami, 1- parigganhanattham pana agato. Imina pucchitam panham iminava kathapessami"ti. Iti tamyeva katham kathapetukamo tenahitiadimaha. Tattha tenahiti karanapadeso. Yasma tvam evam pucchasi, tasma tannevettha patipucchamiti. Kesannoti katamesam nu. Sadhammukkamsanati attano laddhiya ukkhipitva thapana. Paradhammapasadanati paresam laddhiya ghattana vambhana avakkhipana. Ayataneva 2- dhammadesanati karanasmimyeva dhammadesana. Attho ca vuttoti maya pucchitapanhassa 3- attho ca pakasito. Atta ca anupanitoti amhe evarupati evam atta ca na upanito. Nupanitotipi 4- patho. 3. Mahanamasakkasuttavannana [74] Tatiye gilana vutthitoti 5- gilano hutva vutthito. Gelannati gilanabhavato. Upasankamiti bhuttapataraso malagandhadini adaya mahaparivaraparivuto upasankami. Bahayam gahetvati na bahayam gahetva akaddhi, nisinnasanato utthaya 6- tassa santikam gantva dakkhinabahayam angutthakena sannam datva ekamantam apanesiti veditabbo. Athassa "sekhampi kho mahanama silan"tiadina nayena sattannam sekhanam silanca samadhinca pannanca kathetva upari arahattaphalavasena asekhasilasamadhipannayo kathento "sekhasamadhito sekham vipassanananam asekhanca phalananam paccha, sekhavipassanananato ca asekhaphalasamadhi paccha uppajjati"ti dipeti. Yani pana sampayuttani samadhinanani, tesam apaccha apure uppatti veditabbati. @Footnote: 1 Ma. agamissati 2 Si. ayatane ca 3 cha.Ma. pucchitapanhaya @4 Si. nupanitotipi, Ma. nuparitotipi 5 cha. gilanavutthitoti 6 cha.Ma. vutthayaThe Pali Atthakatha in Roman Character Volume 15 Page 225. http://84000.org/tipitaka/read/attha_page.php?book=15&page=225&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=5211&modeTY=2&pagebreak=1 http://84000.org/tipitaka/atthapali/rm_line.php?B=15&A=5211&modeTY=2&pagebreak=1#p225
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]