Taṃ kammaṃ khepetīti attho. Sandiṭṭhikāti sāmaṃ passitabbā. Akālikāti na kālantare
kiccakārikā. Ehipassikāti "ehi passā"ti evaṃ dassetuṃ yuttā. Opanayikāti 1-
upanaye yuttā allīyitabbayuttā. Paccattaṃ veditabbā viññūhīti paṇḍitehi
attano attano santāneyeva jānitabbā, bālehi pana dujjānā. Iti sīlavasena dve
maggā dve ca phalāni kathitāni. Sotāpannasakadāgāmino hi sīlesu paripūrikārino. 2-
Vivicceva kāmehītiādikāya pana samādhisampadāya tayo maggā tīṇi ca phalāni
kathitāni. Anāgāmī ariyasāvako hi samādhismiṃ paripūrikārīti 2- vutto. Āsavānaṃ
khayātiādīhi arahattaphalaṃ kathitaṃ. Keci pana sīlasamādhayopi arahattaphalasampayuttāva
idha adhippetāti. 3- Ekekassa pana vasena paṭipattidassanatthaṃ visuṃ visuṃ tanti
āropitāti.
5. Nivesakasuttavaṇṇanā
[76] Pañcame amaccāti suhajjā. Ñātīti sassusasurapakkhikā. Sālohitāti
samānalohitā bhātikabhaginiādayo. Aveccappasādeti guṇe avecca jānitvā
uppanne acalappasāde. Aññathattanti bhāvaññathattaṃ. Paṭhavīdhātuyātiādīsu vīsatiyā
koṭṭhāsesu thaddhākārabhūtāya paṭhavīdhātuyā, dvādasasu koṭṭhāsesu yūsagatāya
ābandhanabhūtāya āpodhātuyā, catūsu koṭṭhāsesu paripācanabhūtāya tejodhātuyā, chasu
koṭṭhāsesu vitthambhanabhūtāya vāyodhātuyā siyā aññathattaṃ. Na tvevāti imesaṃ
hi catunnaṃ mahābhūtānaṃ aññamaññasabhāvūpagamanena 4- siyā aññathattaṃ, ariyasāvakassa
pana na tveva siyāti dasseti. Ettha ca aññathattanti pasādaññathattaṃ ca
gatiaññathattañca. Tañhi tassa na hoti, bhāvaññathattaṃ pana hoti. Ariyasāvako
hi manusso hutvā devopi hoti brahmāpi. Pasādo panassa bhavantarepi na
@Footnote: 1 cha.Ma. opaneyyikāti 2 cha.Ma. paripūrakārinoti, i. paripūrakārino. evamuparipi
@3 cha.Ma.,i. adhippetā 4 cha.Ma. aññamaññabhāvūpagamanena
The Pali Atthakatha in Roman Character Volume 15 Page 227.
http://84000.org/tipitaka/read/attha_page.php?book=15&page=227&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=5261&pagebreak=1
http://84000.org/tipitaka/atthapali/rm_line.php?B=15&A=5261&pagebreak=1#p227
