บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒) หน้าที่ ๒๒๘.
วิคจฺฉติ, น จ อปายคติสงฺขาตํ คติอญฺญถตฺตํ ปาปุณาติ. สตฺถาปิ ตเทว ทสฺเสนฺโต ตตฺริทํ อญฺญถตฺตนฺติอาทิมาห. เสสเมตฺถ อุตฺตานเมวาติ. ๖. ปฐมภวสุตฺตวณฺณนา [๗๗] ฉฏฺเฐ กามธาตุเวปกฺกนฺติ กามธาตุยา วิปจฺจนกํ. ๑- กามภโวติ กามธาตุยํ อุปปตฺติภโว. กมฺมํ เขตฺตนฺติ กุสลากุสลกมฺมํ วิรุหนฏฺฐานฏฺเฐน เขตฺตํ. วิญฺญาณํ พีชนฺติ สหชาตํ ๒- อภิสงฺขารวิญฺญาณํ วิรุหนฏฺเฐน พีชํ. ตณฺหา เสฺนโหติ สงฺคณฺหนานุพฺรูหนวเสน ๓- ตณฺหาอุทกํ นาม. อวิชฺชานีวรณานนฺติ อวิชฺชาย อาวริตานํ. ตณฺหา สญฺโญชนานนฺติ ตณฺหาพนฺธเนน พทฺธานํ. หีนาย ธาตุยาติ กามธาตุยา. วิญฺญาณํ ปติฏฺฐิตนฺติ อภิสงฺขารวิญฺญาณํ ปติฏฺฐิตํ. มชฺฌิมาย ธาตุยาติ รูปธาตุยา. ปณีตาย ธาตุยาติ อรูปธาตุยา. เสสเมตฺถ อุตฺตานเมวาติ. ๗. ทุติยภวสุตฺตวณฺณนา [๗๘] สตฺตเม เจตนาติ กมฺมเจตนา. ปตฺถนาติ กมฺมปตฺถนา. ๔- เสสํ ปุริมสทิสเมวาติ. ๘. สีลพฺพตสุตฺตวณฺณนา [๗๙] อฏฺฐเม สีลพฺพตนฺติ สีลญฺเจว วตฺตญฺจ. ชีวิตนฺติ ทุกฺกรการิกา นุโยโค. พฺรหฺมจริยนฺติ พฺรหฺมจริยวาโส. อุปฏฺฐานสารนฺติ อุปฏฺฐาเนน สารํ, "อิทํ สารํ อิทํ วรํ อิทํ นิฏฺฐานนฺ"ติ ๕- เอวํ อุปฏฺฐิตนฺติ อตฺโถ. สผลนฺติ สอุทฺรย สวฑฺฒิกํ โหตีติ ปุจฺฉติ. น เขฺวตฺถ ภนฺเต เอกํเสนาติ ภนฺเต น โข เอตฺถ เอกํเสน พฺยากาตพฺพนฺติ อตฺโถ. อุปฏฺฐานสารํ เสวโตติ อิทํ สารํ วรํ นิฏฺฐานนฺติ ๖- เอวํ อุปฏฺฐิตํ สารํ เสวมานสฺส. อผลนฺติ อิฏฺฐผเลน อผลํ. เอตฺตาวตา @เชิงอรรถ: ๑ ม. วิปจฺจนํ ๒ ม. ยถาชาติ ๓ ฉ.ม. ปคฺคณฺหนานุพฺรูหนวเสน @๔ ฉ.ม. ปตฺถนาปิ กมฺมปตฺถนาว ๕ ฉ.ม. อิทํ วรํ อิทํ นิฏฺฐาติ @๖ ฉ.ม.,อิ. นิฏฺฐาติเนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๒๘. http://84000.org/tipitaka/read/attha_page.php?book=15&page=228&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5284&modeTY=2&pagebreak=1 http://84000.org/tipitaka/atthapali/th_line.php?B=15&A=5284&modeTY=2&pagebreak=1#p228
จบการแสดงผล หน้าที่ ๒๒๘.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]