ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๔๕.

     ยถา ปุเร ตถา ปจฺฉาติ ยถา ปมํ ตีสุ สิกฺขาสุ สิกฺขติ, ปจฺฉา ตเถว
สิกฺขตีติ อตฺโถ. ทุติยปเทปิ เอเสว นโย. ยถา อโธ ตถา อุทฺธนฺติ ยถา เหฏฺิมกายํ
อสุภวเสน ปสฺสติ, อุปริมกายํปิ ตเถว ปสฺสติ. ๑- ทุติยปเทปิ เอเสว นโย. ยถา
ทิวา ตถา รตฺตินฺติ ยถา ทิวา ติสฺโสปิ ๒- สิกฺขา สิกฺขติ, รตฺตึปิ ตเถว สิกฺขตีติ
อตฺโถ. อภิภุยฺย ทิสา สพฺพาติ สพฺพา ทิสา อารมฺมเณ ๓- อภิภวิตฺวา.
อปฺปมาณสมาธินาติ อรหตฺตมคฺคสมาธินา.
     เสกฺขนฺติ สิกฺขมานํ ๔- สกรณียํ. ปฏิปทนฺติ ปฏิปนฺนกํ. สํสุทฺธจารินนฺติ ๕-
สํสุทฺธจรณํ ปริสุทฺธสีลํ. สมฺพุทฺธนฺติ จตุสจฺจพุทฺธํ. ธีรํ ๖- ปฏิปทนฺตคุนฺติ
ขนฺธธีรธาตุธีรอายตนธีรวเสน ธีรํ ๗- ธิติสมฺปนฺนํ วตฺตปฏิปตฺติยา ๘- อนฺตคตํ.
วิญฺาณสฺสาติ จริมกวิญฺาณสฺส. ตณฺหกฺขยวิมุตฺติโนติ ตณฺหกฺขยวิมุตฺติสงฺขาตาย
อรหตฺตผลวิมุตฺติยา สมนฺนาคตสฺส. ปชฺโชตสฺเสว นิพฺพานนฺติ ปทีปนิพฺพานํ วิย.
วิโมกฺโข โหติ เจตโสติ จิตฺตสฺส วิมุตฺติ วิมุจฺจนา อปฺปวตฺติภาโว โหติ.
ตณฺหกฺขยวิมุตฺติโน หิ ขีณาสวสฺส จริมกวิญฺาณนิโรเธน ปรินิพฺพานํ วิย เจตโส
วิโมกฺโข โหติ, คตฏฺานํ น ปญฺายติ, อปณฺณตฺติกภาวูปคโมเยว โหตีติ อตฺโถ.
                        ๑๑. ปํกธาสุตฺตวณฺณนา
     [๙๒] เอกาทสเม ปํกธา ๙-  นาม โกสลานํ นิคโมติ ปํกธาติ เอวํนามโก
โกสลรฏฺเ นิคโม. อาวาสิโกติ ภารหาโร นเว อาวาเส สมุฏฺาเปติ, ปุราเณ
ปฏิชคฺคติ. สิกฺขาปทปฏิสํยุตฺตายาติ สิกฺขาสงฺขาเตหิ ปเทหิ ปฏิสํยุตฺตาย, ตีหิ
สิกฺขาหิ สมนฺนาคตายาติ อตฺโถ. สนฺทสฺเสตีติ สมฺมุเข วิย กตฺวา ๑๐- ทสฺเสติ.
@เชิงอรรถ:  ฉ.ม.,อิ. ผรติ   ฉ.ม.,อิ. ติสฺโส    ฉ.ม.อารมฺมณวเสน
@ ก. เสกฺขมานํ    สี.,อิ. สํสุทฺธจารณนฺติ, ฉ.ม. สํสุทฺธจาริยนฺติ
@ ก. ถิรํ, อิ. วีรํ    ก. ขนฺธถิรอายตนถิรวเสน ถิรํ, อิ. ขนฺธวีรํ ธาตุวีรํ
@อายตนวีรวเสน วีรํ    ฉ.ม., อิ. ปฏิปตฺติยา   ฉ.ม. สงฺกวา. เอวมุปริปิ
@๑๐ ม. สมฺมุเข กตฺวาปิ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๔๕. http://84000.org/tipitaka/read/attha_page.php?book=15&page=245&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5686&pagebreak=1 http://84000.org/tipitaka/atthapali/th_line.php?B=15&A=5686&pagebreak=1#p245


จบการแสดงผล หน้าที่ ๒๔๕.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]