อรรถกถาเล่มที่ ๑๕ หน้าที่ ๒๕๐.

อุปฺปชฺชติ. กาโย ปสฺสมฺภตีติ นามกาโยปิ รูปกาโยปิ วิคตทรโถ โหติ. ปสฺสทฺธกาโยติ อสารทฺธกาโย. สุขํ เวทิยตีติ กายิกเจตสิกํ สุขํ เวทิยติ. สมาธิยตีติ อารมฺมเณ ปน สมาธิยติ. ^๑- ถุลฺลผุสิตเกติ มหาผุสิตเก. ปพฺพตกนฺทรปทรสาขาติ เอตฺถ กนฺทรํ ^๒- นาม "กนฺ"ติ ลทฺธนาเมน อุทเกน ทาริโต อุทกภินฺโน ปพฺพตปฺปเทโส, โย "นิตมฺโพ"ติปิ ^๓- "นทินิกุญฺโช"ติปิ ^๔- วุจฺจติ. ปทรํ นาม อฑฺฒมาเส เทเว อวสฺสนฺเต ผลิโต ภูมิปฺปเทโส. สาขาติ กุโสพฺภคามินิโย ขุทฺทกมาติกาโย. กุโสพฺภาติ ^๕- ขุทฺทก- อาวาฏา. มหาโสพฺภาติ มหาอาวาฏา. กุนฺนทิโยติ ขุทฺทกนทิโย. มหานทิโยติ คงฺคายมุนาทิกา มหาสริตา. ๕. ปฐมอาชานียสุตฺตาทิวณฺณนา [๙๗] ปญฺจเม องฺเคหีติ คุณงฺเคหิ. ราชารโหติ รญฺโญ อรโห อนุจฺฉวิโก. ราชโภคฺโคติ รญฺโญ อุปโภคภูโต. รญฺโญ องฺคนฺติ รญฺโญ หตฺถปาทาทิ- องฺคสมตาย องฺคนฺเตว สงฺขฺยํ คจฺฉติ. วณฺณสมฺปนฺโนติ สรีรวณฺเณน สมฺปนฺโน. พลสมฺปนฺโนติ กายพเลน สมฺปนฺโน. ^๖- ชวสมฺปนฺโนติ พลชเวน สมฺปนฺโน. ^๖- อาหุเนยฺโยติ อาหุติสงฺขาตํ ปิณฺฑปาตํ ปฏิคฺคเหตุํ ยุตฺโต. ปาหุเนยฺโยติ ปาหุนกภตฺตสฺส อนุจฺฉวิโก. ทกฺขิเณยฺโยติ ทสวิธทานวตฺถุปริจฺจาควเสน สทฺธาทานสงฺขาตาย ทกฺขิณาย อนุจฺฉวิโก. อญฺชลีกรณีโยติ อญฺชลีปคฺคหณสฺส อนุจฺฉวิโก. อนุตฺตรํ ปุญฺญกฺเขตฺตํ โลกสฺสาติ สพฺพโลกสฺส อสทิสํ ปุญฺญวิรุหนฏฺฐานํ. วณฺณสมฺปนฺโนติ คุณวณฺเณน สมฺปนฺโน. พลสมฺปนฺโนติ วิริยพเลน สมฺปนฺโน. ชวสมฺปนฺโนติ ญาณชเวน สมฺปนฺโน. ถามวาติ ญาณถาเมน สมนฺนาคโต. @เชิงอรรถ: ^๑ ฉ.ม.,อิ. อารมฺมเณ สมฺมา ฐปียติ ^๒ ฉ.ม. กนฺทโร ^๓ ม. นทินิตมฺโภติปิ, @ฉ. นิตมฺโภติปิ ^๔ ฉ. นทิกุญฺโชติปิ ^๕ สี. กุสฺสุพฺภาติ, ฏีกา.,ม. กุสุมฺภาติ @^๖-๖ ฉ.ม.,อิ. อิเม ปาฐา น ทิสฺสนฺติ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๕๐. http://84000.org/tipitaka/read/attha_page.php?book=15&page=250&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5797&modeTY=2&pagebreak=1 http://84000.org/tipitaka/atthapali/th_line.php?B=15&A=5797&modeTY=2&pagebreak=1#p250