อรรถกถาเล่มที่ ๑๕ หน้าที่ ๒๕๖.

วิริยสฺส ยุตฺตกาเล วิริยํ มนสิกาตพฺพํ, มชฺฌตฺตภาวสฺส ยุตฺตกาเล มชฺฌตฺตภาเว าตพฺพนฺติ. านนฺตํ จิตฺตํ โกสชฺชาย สํวตฺเตยฺยาติ ตํ ^๑- การณํ วิชฺชติ เยน ตํ จิตฺตํ โกสชฺชภาเว ติฏฺเยฺย. อิตเรสุปิ เอเสว นโย. อุเปกฺขานิมิตฺตํเยว มนสิกเรยฺยาติ เอตฺถ จ าณชวํ ^๒- อุเปกฺเขยฺยาติ อยมตฺโถ. อาสวานํ ขยายาติ อรหตฺตผลตฺถาย. อุกฺกํ พนฺเธยฺยาติ องฺคารกปลฺลํ สชฺเชยฺย. อาลิมฺเปยฺยาติ ตตฺถ องฺคาเร ปกฺขิปิตฺวา อคฺคึ ทตฺวา นาฬิกาย ธมนฺโต อคฺคึ คาหาเปยฺย. อุกฺกามุเข ปกฺขิเปยฺยาติ องฺคาเร วิยูหิตฺวา องฺคารมตฺถเก ^๓- วา เปยฺย, มูสาย วา ปกฺขิเปยฺย. อชฺฌุเปกฺขตีติ ปกฺกาปกฺกภาวํ ^๔- อุปธาเรติ. สมฺมา สมาธิยติ อาสวานํ ขยายาติ อรหตฺตผลตฺถาย สมฺมา ปิยติ. เอตฺตาวตา หิ วิปสฺสนํ วฑฺเฒตฺวา อรหตฺตํ ปตฺโต ภิกฺขุ ทสฺสิโต. อิทานิ ตสฺส ขีณาสวสฺส อภิญฺาปฏิปทํ ทสฺเสนฺโต ยสฺส ยสฺส จาติอาทิมาห. ตํ เหฏฺา วุตฺตนเยเนว เวทิตพฺพํ. โลณผลวคฺโค ปญฺจโม. ทุติยปณฺณาสโก นิฏฺิโต. --------------- @เชิงอรรถ: ^๑ ฉ.ม.,อิ. อยํ ปาโ น ทิสฺสติ ^๒ ม. อาเนญฺชา @^๓ สี. มตฺถเก ^๔ ม. ปริปกฺกภาวํ

เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๕๖. http://84000.org/tipitaka/read/attha_page.php?book=15&page=256&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5945&pagebreak=1 http://84000.org/tipitaka/atthapali/th_line.php?B=15&A=5945&pagebreak=1#p256