ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๕๗.

                          ๓. ตติยปณฺณาสก
                         ๑๑. ๑. สมฺโพธวคฺค
                      ๑. ปุพฺเพวสมฺโพธสุตฺตวณฺณนา
     [๑๐๔] ตติยสฺส ปฐเม ปุพฺเพว สมฺโพธาติ สมฺโพธิโต ปุพฺเพว, อริยมคฺคุปฺ-
ปตฺติโต ๑- อปรภาเคเนวาติ วุตฺตํ โหติ. อนภิสมฺพุทฺธสฺสาติ อปฺปฏิวิทฺธจตุ-
สจฺจสฺส. โพธิสตฺตสฺเสว สโตติ พุชฺฌนกสตฺตสฺเสว สโต, สมฺมาสมฺโพธึ อธิคนฺตุํ
อารภนฺตสฺเสว สโต, สมฺโพธิยา วา สตฺตสฺเสว ลคฺคสฺเสว สโต. ทีปงฺกรสฺส
หิ ภควโต ปาทมูเล อฏฺฐธมฺมสโมธาเนน อภินีหารสมิทฺธิโต ปภูติ ตถาคโต
โพธิยํ ๒- สตฺโต ลคฺโค "ปตฺตพฺพา มยา เอสา"ติ ตทธิคมาย ปรกฺกมํ อมุญฺจนฺโตเยว
อาคโต, ตสฺมา โพธิสตฺโตติ วุจฺจติ. โก นุ โขติ กตโม นุ โข. โลโกติ สงฺขารโลโก.
อสฺสาโทติ มธุรากาโร. อาทีนโวติ อนภินนฺทิตพฺพากาโร. ตสฺส มยฺหนฺติ ตสฺส
เอวํ โพธิสตฺตสฺเสว สโต มยฺหํ. ฉนฺทราควินโย ๓- ฉนฺทราคปฺปหานนฺติ นิพฺพานํ
อาคมฺม อารพฺภ ปฏิจฺจ ฉนฺทราโค วินยํ คจฺฉติ ปหิยฺยติ, ๔- ตสฺมา นิพฺพานํ
"ฉนฺทราควินโย ฉนฺทราคปฺปหานนฺ"ติ วุจฺจติ. อิทํ โลกนิสฺสรณนฺติ ๕- อิทํ นิพฺพานํ
โลกโต นิสฺสฏตฺตา โลกนิสฺสรณนฺติ วุจฺจติ. ยาวกีวนฺติ ยตฺตกํ ปมาณํ กาลํ.
อพฺภญฺญาสินฺติ อภิวิสิฏฺเฐน อริยมคฺคญาเณน อพฺภญฺญาสึ. ญาณญฺจ ปน เม
ทสฺสนนฺติ ทฺวีหิปิ  ปเทหิ ปจฺจเวกฺขณญาณํ วุตฺตํ. เสสเมตฺถ อุตฺตานเมวาติ.
                       ๒. ปฐมอสฺสาทสุตฺตวณฺณนา
     [๑๐๕] ทุติเย อสฺสาทปริเยสนํ อจรินฺติ อสฺสาทปริเยสนตฺถาย อจรึ. กุโต
ปฏฺฐายาติ? สุเมธกาลโต ปฏฺฐาย. ปญฺญายาติ สห วิปสฺสนาย มคฺคปญฺญาย.
@เชิงอรรถ:  ฉ.ม. อริยมคฺคปฺปตฺติโต    ฉ.ม. สมฺมาสมฺโพธึ
@ ก. ฉนฺทราคปฏิวินโย    ฉ.ม.ปหียติ    ม. โลเก นิสฺสรณนฺติ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๕๗. http://84000.org/tipitaka/read/attha_page.php?book=15&page=257&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=5963&modeTY=2&pagebreak=1 http://84000.org/tipitaka/atthapali/th_line.php?B=15&A=5963&modeTY=2&pagebreak=1#p257


จบการแสดงผล หน้าที่ ๒๕๗.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]