10. Dutiyanidānasuttavaṇṇanā
[113] Dasame kammānanti vaṭṭagāmikammānameva. Chandarāgaṭṭhāniyeti chandarāgassa
kāraṇabhūte. Ārabbhāti āgamma sandhāya paṭicca. Chandoti taṇhācchando.
Yo cetaso sārāgoti yo cittassa rāgo rajjanā rajjitattaṃ, etamahaṃ saṃyojanaṃ
bandhanaṃ vadāmīti 1- attho. Sukkapakkhe kammānanti vivaṭṭagāmikammānaṃ.
Tadabhinivajjetīti taṃ abhinivajjeti. 2- Yadā ṭhānena 3- vipāko ñāto hoti vidito,
tadā te ceva dhamme taṃ ca vipākaṃ abhinivajjeti. Imināva padena vipassanā kathitā,
tadabhinivajjetvāti iminā maggo kathito, 4- cetasā abhivirājetvāti 5- iminā ca
pana 6- maggova. Paññāya ativijjha 7- passatīti saha vipassanāya maggapaññāya
nibbijjhitvā passati. Evaṃ sabbattha attho veditabbo. Imasmiṃ pana 8- sutte
vaṭṭavivaṭṭaṃ kathitanti.
Sambodhavaggo paṭhamo.
------------
12. 2. Āpāyikavagga
1. Āpāyikasuttavaṇṇanā
[114] Dutiyassa paṭhame apāyaṃ gacchissantīti āpāyikā. Nirayaṃ gacchissantīti
nerayikā. Idamappahāyāti idaṃ brahmacāripaṭiññātādipāpakammattayaṃ 9- avijahitvā.
Brahmacāripaṭiññoti 10- brahmacāripaṭirūpako, tesaṃ vā ākappaṃ avijahanena "ahaṃpi
brahmacārī"ti evaṃpaṭiñño. Anuddhaṃsetīti akkosati paribhāsati codeti. Natthi
@Footnote: 1 cha.Ma.,i. saṃyojanaṃ vadāmi, bandhanaṃ vadāmīti 2 cha.Ma. tadabhinivatteti taṃ
@abhinivatteti 3 cha.Ma.,i. yadā vā tena 4 cha.Ma.,i. ayaṃ pāṭho na dissati
@5 cha.Ma. abhinivijjhitvāti 6 cha.Ma.,i. ayaṃ saddo na dissati
@7 ka. abhivijjha, ma, abhinivijjha 8 i. imasmiṃpi pana
@9 cha.Ma.,i. brahmacāripaṭiññatādiṃ pāpadhammattayaṃ 10 pāli. abrahmacāripaṭiñño
The Pali Atthakatha in Roman Character Volume 15 Page 260.
http://84000.org/tipitaka/read/attha_page.php?book=15&page=260&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=6027&pagebreak=1
http://84000.org/tipitaka/atthapali/rm_line.php?B=15&A=6027&pagebreak=1#p260
