บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 263.
Sagganti cātummahārājikādīsu aññataraṃ saggalokaṃ. Imasmiṃ sutte sīlañca sammādiṭṭhi cāti ubhayaṃpi missakaṃ kathitaṃ. Sattamaṃ uttānameva. 8. Paṭhamasoceyyasuttavaṇṇanā [121] Aṭṭhame soceyyānīti 1- sucibhāvā. Kāyasoceyyanti kāyadvāre sucibhāvo. Sesapadadvayepi 2- eseva nayo. Imesu pana paṭipāṭiyā catūsu suttesu āgārikapaṭipadā kathitā. Sotāpannasakadāgāmīnampi vaṭṭati. 9. Dutiyasoceyyasuttavaṇṇanā [122] Navame ajjhattanti niyakajjhattaṃ. Kāmacchandanti kāmacchandanīvaraṇaṃ. Byāpādādīsupi eseva nayo. Sesamettha heṭṭhā vuttanayameva. Gāthāya pana kāyasucinti kāyadvāre suciṃ, kāyena vā suciṃ. Sesapadadvayepi eseva nayo. Ninhātapāpakanti pāpaṃ nhāpetvā 3- dhovetvā ṭhitaṃ. Iminā 4- suttenapi gāthāyapi khīṇāsavova kathitoti. 10. Moneyyasuttavaṇṇanā [123] Dasame moneyyānīti munibhāvā. Kāyamoneyyanti kāyadvāre munibhāvo sādhubhāvo paṇḍitabhāvo. Sesadvayepi eseva nayo. Idaṃ vuccati bhikkhave kāyamoneyyanti idaṃ hi tividhakāyaduccaritappahānaṃ kāyamoneyyaṃ nāma. Apica tividhaṃ kāyasucaritaṃpi kāyamoneyyaṃ, tathā kāyārammaṇaṃ ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāyena chandarāgassa pahānaṃ kāyamoneyyaṃ, kāyasaṅkhāranirodho catutthajjhānasamāpatti ca 5- kāyamoneyyaṃ. Vacīmoneyyepi eseva nayo. @Footnote: 1 ka. soceyyanti sucibhāro 2 cha.Ma. sesadvayepi. evamuparipi @3 cha.Ma. sabbe pāpe ninhāpetvā 4 Sī.,i. iti @5 cha.Ma.,i. ayaṃ saddo na dissatiThe Pali Atthakatha in Roman Character Volume 15 Page 263. http://84000.org/tipitaka/read/attha_page.php?book=15&page=263&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6096&pagebreak=1 http://84000.org/tipitaka/atthapali/rm_line.php?B=15&A=6096&pagebreak=1#p263
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]