บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 266.
Cetana satta sanna satta cittani"ti janitva pativijjhitva paccakkham katva, tatha "ime cattaro satipatthana"tiadina nayena te te dhamme janitva pativijjhitva paccakkhameva katvati attho. Sanidananti sapaccayameva katva kathemi, no apaccayam. Sappatihariyanti paccanikapatiharanena sappatihariyameva katva kathemi, no appatihariyam. Alanca pana voti yuttanca pana tumhakam. Tutthiyati "sammasambuddho bhagava, svakkhato dhammo, supatipanno samgho"ti tini ratanani gunato anussarantanam tumhakam yuttameva tutthim katunti attho. Sesapadadvayepi eseva nayo. Akampitthati chahi akarehi akampittha. Evarupo hi pathavikampo bodhimandepi ahosi. Bodhisatte kira dakkhinadisabhagena bodhimandam abhirulhe dakkhinabhago 1- hettha avicim papunanto viya ahosi, uttarabhago uggantva bhavaggam abhihananto viya. Pacchimadisam gate pacchimabhago hettha 2- avicim papunanto viya ahosi, pacinabhago uggantva bhavaggam abhihananto viya ahosi. Uttaradisam gate uttarabhago 3- hettha avicim papunanto viya, dakkhinadisabhago uggantva bhavaggam abhihananto viya. Pacinadisam gate pacinadisabhago hettha avicim papunanto viya, pacchimabhago uggantva bhavaggam abhihananto viya. Bodhirukkhopi sakim hettha avicim papunanto viya, sakim uggantva bhavaggam abhihananto viya. Tasmimpi divase evam chahi akarehi cakkavalasahasse 4- mahapathavi akampittha. 4. Bharandukalamasuttavannana [127] Catutthe kevalakappanti sakalakappam. Ahindantoti 5- vicaranto. Na addasati kimkarana na addasa? ayam kira bharandu kalamo sakyanam 6- aggapindam @Footnote: 1 cha.Ma.,i. dakkhinadisabhago 2 i. ayam saddo na dissati 3 cha.Ma. uttaradisabhago @4 cha.Ma.,i. cakkavalasahassi 5 cha.Ma.,i. anvahindanto 6 Ma. aggasanamThe Pali Atthakatha in Roman Character Volume 15 Page 266. http://84000.org/tipitaka/read/attha_page.php?book=15&page=266&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=6164&modeTY=2&pagebreak=1 http://84000.org/tipitaka/atthapali/rm_line.php?B=15&A=6164&modeTY=2&pagebreak=1#p266
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]