ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๒๗๐.

                         ๖. กฏุวิยสุตฺตวณฺณนา
     [๑๒๙] ฉฏฺเฐ โคโยคมิลกฺขสฺมินฺติ ๑- คาวีนํ วิกฺกยฏฺฐาเน อุฏฺฐิตมิลกฺขสฺส
สนฺติเก. ริตฺตสฺสาทนฺติ ๒- ฌานสุขาภาเวน ริตฺตสฺสาทํ. พาหิรสฺสาทนฺติ ๓-
กามคุณสุขวเสน พาหิรสฺสาทํ. กฏุวิยนฺติ อุจฺฉิฏฺฐํ. อามคนฺเธติ โกธสงฺขาเต
วิสฺสคนฺเธ. ๔- อวสฺสุตนฺติ ตินฺตํ. มกฺขิกาติ กิเลสมกฺขิกา. นานุปติสฺสนฺตีติ
อุฏฺฐาย น อนุพนฺธิสฺสนฺติ. นานฺวาสฺสวิสฺสนฺตีติ อนุพนฺธิตฺวา น ขาทิสฺสนฺติ.
สํเวคมาปาทีติ โสตาปนฺโน ชาโต.
     กฏุวิยกโตติ อุจฺฉิฏฺฐกโต. อารกา โหตีติ ทูเร โหติ. วิฆาตสฺเสว ภาควาติ
ทุกฺขสฺเสว ภาคี. จเรตีติ จรติ คจฺฉติ. ๕- ทุมฺเมโธติ ทุปฺปญฺโญ. อิมสฺมึ สุตฺเต
วฏฺฏเมว กถิตํ, คาถาสุปิ วฏฺฏวิวฏฺฏนฺติ. ๖- สตฺตเม วฏฺฏเมว ภาสิตํ.
                       ๘. ทุติยอนุรุทฺธสุตฺตวณฺณนา
     [๑๓๑] อฏฺฐเม อิทนฺเต มานสฺมินฺติ อยํ เต นววิเธน วฑฺฒิตมาโนติ
อตฺโถ. อิทนฺเต อุทฺธจฺจสฺมินฺติ อิทํ ตว อุทฺธจฺจํ จิตฺตสฺส อุทฺธตภาโว. อิทนฺเต
กุกฺกุจฺจสฺมินฺติ อิทํ ตว กุกฺกุจฺจํ.
                        ๙. ปฏิจฺฉนฺนสุตฺตวณฺณนา
     [๑๓๒] นวเม วหนฺตีติ ๗- นิยฺยนฺติ. ปฏิจฺฉนฺโน วหตีติ ปฏิจฺฉนฺโนว
หุตฺวา นิยฺยาติ. วิวโฏ วิโรจตีติ เอตฺถ เอกโต อุภโต อตฺตโต สพฺพตฺถกโตติ
จตุธา ๘- วิวฏตา เวทิตพฺพา. ตตฺถ เอกโต วิวฏํ  นาม อสาธารณสิกฺขาปทํ.
อุภโต วิวฏํ นาม สาธารณสิกฺขาปทํ. อตฺตโต วิวฏํ นาม ปฏิลทฺธธมฺมคุโณ.
สพฺพตฺถกโต วิวฏํ ๙-  นาม เตปิฏกํ พุทฺธวจนํ.
@เชิงอรรถ:  ฉ.ม. โคโยคปิลกฺขสฺมินฺติ   สี. ริตฺตาสนฺติ    สี. พาหิราสนฺติ
@ ฉ.ม. อามคนฺเธนาติ โกธสงฺขาเตน วิสฺสคนฺเธน   สี. ปเรตีติ คจฺฉติ
@ ฉ.ม. วฏฺฏวิวฏฺฏํ กถิตนติ   ฉ.ม. อาวหนฺตีติ    ฉ.ม.,อิ. จตุพฺพิธา
@ ฉ.ม. สพฺพตฺถกวิวฏํ, อิ. สพฺพตฺถ วิวฏํ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๒๗๐. http://84000.org/tipitaka/read/attha_page.php?book=15&page=270&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=6262&modeTY=2&pagebreak=1 http://84000.org/tipitaka/atthapali/th_line.php?B=15&A=6262&modeTY=2&pagebreak=1#p270


จบการแสดงผล หน้าที่ ๒๗๐.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]