บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 310.
6. Kuhasuttavaṇṇanā [26] Chaṭṭhe kuhāti kuhakā. Thaddhāti kodhena ca mānena ca thaddhā. Lapāti upalāpakā. Siṅgīti "tattha katamaṃ siṅgaṃ, yaṃ siṅgaṃ siṅgāratā caturatā 1- cāturiyaṃ parikkhatatā 2- parikkhattiyan"ti 3- evaṃ vuttehi siṅgasadisehi pākaṭakilesehi samannāgatā. Unnaḷāti uggatanaḷā tucchamānaṃ ukkhipitvā ṭhitā. Asamāhitāti cittekaggatāmattassapi 4- alābhino. Na me te bhikkhave bhikkhū māmakāti te mayhaṃ bhikkhū mama santakā na honti. "te mayhan"ti idampana satthāraṃ uddissa pabbajitattā vuttaṃ. Te kho me bhikkhave bhikkhū māmakāti idhāpi meti attānaṃ uddissa pabbajitattā vadati, sammāpaṭipannattā pana "māmakā"ti āha. Vuḍḍhiṃ virūḷhiṃ vepullaṃ āpajjantīti sīlādīhi guṇehi vaḍḍhanato vuḍḍhiṃ, niccalabhāvena virūḷhiṃ, sabbattha patthaṭatāya vepullaṃ pāpuṇanti. Te panete yāva arahattamaggā viruhanti, arahattaphalappatte virūḷhā nāma honti. Iti imasmiṃ suttantepi 5- gāthāsupi vaṭṭavivaṭṭameva kathitaṃ. 7. Santuṭṭhisuttavaṇṇanā [27] Sattame appānīti parittāni. Sulabhānīti sukhena laddhabbāni, yattha katthaci sakkā honti labhituṃ. Anavajjānīti niddosāni. Piṇḍiyālopabhojananti jaṅghapiṇḍiyabalena caritvā ālopamattaṃ laddhabhojanaṃ. Pūtimuttanti yaṅkiñci muttaṃ. Yathā hi suvaṇṇavaṇṇopi kāyo pūtikāyoti vuccati, evaṃ abhinavampi muttaṃ pūtimuttameva. Vighātoti vihatabhāvo, 6- cittassa dukkhaṃ na hotīti attho. Disā na paṭihaññatīti yassa hi "asukaṭṭhānaṃ nāma gato cīvarādīni labhissāmī"ti cittaṃ @Footnote: 1 cha.Ma. cāturatā 2 cha.Ma. parikkhattatā @3 abhi. vi. 35/852/428 khuddakavatthuvibhaṅga 4 cha.Ma. cittekaggamattassāpi @5 cha.Ma. suttepi 6 Ma. vihataghāto, cha. vigataghātoThe Pali Atthakatha in Roman Character Volume 15 Page 310. http://84000.org/tipitaka/read/attha_page.php?book=15&page=310&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7177&pagebreak=1 http://84000.org/tipitaka/atthapali/rm_line.php?B=15&A=7177&pagebreak=1#p310
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]