บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 341.
Sarassatīnadiyā nimuggokāsato pabhūti paṭilomaṃ gacchantena yajitabbassa sabbayāgassetaṃ adhivacanaṃ. Vājamettha pivantīti 1- vājapeyyaṃ. Ekena pariyaññena sattarasahi pasūhi yajitabbassa beluvayūpassa sattarasakadakkhiṇassa 2- yaññassetaṃ adhivacanaṃ. Natthi ettha aggaḷāti niraggaḷo, navahi pariyaññehi yajitabbassa saddhiṃ bhūmiyā ca purisehi ca assamedhe vuttavibhavadakkhiṇassa sabbamedhapariyāyanāmassa assamedhavikappassetaṃ adhivacanaṃ. Mahārambhāti mahākiccā mahākaraṇīyā. Apica pāṇātipātasamārambhassa mahantatāyapi mahārambhāyeva. Na te honti mahapphalāti ettha niravasesatthe sāvasesarūpanaṃ 3- kataṃ. Tasmā iṭṭhaphalena nipphalāva hontīti attho. Idañca pāṇātipāta- samārambhameva sandhāya vuttaṃ. Yaṃ pana tattha antarantarā dānaṃ diyyati, taṃ iminā samārambhena upahatattā mahapphalaṃ na hoti, mandaphalaṃ hotīti attho. Haññareti haññanti. Yajanti anukulaṃ sadāti ye aññe anukulaṃ yajanti, pubbapurisehi yiṭṭhattā pacchimapurisāpi yajantīti attho. Seyyo hotīti visesova hoti. Na pāpiyoti pāpaṃ kiñci na hoti. 10. Udāyisuttavaṇṇanā [40] Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappayuttakālena. 4- Upasaṃyantīti upagacchanti. Kulaṃ 5- gatinti vaṭṭakulañceva 6- vaṭṭagatiñca atikkantā. Puññassa 7- kovidāti catubhūmikassa puññassa 8- kusalā. Yaññeti pakatidāne. Saddheti matakadāne. Huññaṃ 9- katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Sampattanti 10- suṭṭhu pattaṃ. @Footnote: 1 Sī. pibantīti, Ma. piyantīti 2 Sī.,Ma. sattarasasattarasadakkhiṇassa @3 Ma. sāvasesavasena saññāṇaṃ 4 cha.Ma. yuttappattakālena @5 Sī. kālaṃ 6 Sī. vaṭṭakāle ceva 7 cha.Ma. yaññassa @8 cha.Ma. catubhūmakayaññe 9 cha.Ma. habyaṃ 10 cha.Ma. suppattantiThe Pali Atthakatha in Roman Character Volume 15 Page 341. http://84000.org/tipitaka/read/attha_page.php?book=15&page=341&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=7892&pagebreak=1 http://84000.org/tipitaka/atthapali/rm_line.php?B=15&A=7892&pagebreak=1#p341
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]