Nāma. Cīvaralūkhapattalūkhesu pamāṇaṃ gahetvā pasanno lūkhappamāṇo nāma. Dhamme
pamāṇaṃ gahetvā pasanno dhammappamāṇo nāma. Itarāni tesaṃyeva atthavevacanāni.
Sabbasatte ca tayo koṭṭhāse katvā dve koṭṭhāsā rūpappamāṇā, eko na
rūpappamāṇo. Pañca koṭṭhāse katvā cattāro koṭṭhāsā ghosappamāṇā, eko
na ghosappamāṇo. Dasa koṭṭhāse katvā nava koṭṭhāsā lūkhappamāṇā, eko na
lūkhappamāṇo. 1- Satasahassakoṭṭhāse pana katvā 1- eko koṭṭhāsova dhammappamāṇo,
sesā na dhammappamāṇāti veditabbā.
Rūpe pamāṇiṃsūti 2- ye rūpaṃ disvā pasannā, te rūpe pamāṇiṃsu nāma. Paminiṃsūti 3-
attho. Ghosena anvagūti ghosena anugatā, 4- ghosappamāṇaṃ gahetvā pasannāti
attho. Chandarāgavasūpetāti chandassa ca rāgassa ca vasaṃ upetā. 5- Ajjhattañca
na jānātīti niyakajjhatte tassa guṇaṃ na jānāti. Bahiddhā ca na passatīti
bahiddhāpissa paṭipattiṃ na passati. Samantāvaraṇoti samantato āvārito,
samantā vā āvaraṇamassāti samantāvaraṇo. Ghosena vuyhatīti ghosena niyyati,
na guṇena. Ajjhattañca na jānāti bahiddhā ca vipassatīti niyakajjhatte
guṇaṃ na jānāti, bahiddhā panassa paṭipattiṃ passati. Bahiddhā phaladassāvīti
tassa parehi kataṃ bahiddhā sakkāraphalaṃ passanto. Vinīvaraṇadassāvīti vivaṭadassāvīti.
Na so ghosena vuyhatīti so ghosena na niyyati.
6. Sarāgasuttavaṇṇanā
[66] Chaṭṭhe mohajaṃ vāpiaviddasūti mohajaṃ vāpi aviddasū apaṇḍitā.
Savighātanti sadukkhaṃ. Dukkhudrayanti āyatiṃ ca dukkhavaḍḍhidāyakaṃ. Acakkhukāti
paññācakkhuvirahitā. Yathā dhammā tathā santāti yathā rāgādayo dhammā ṭhitā,
@Footnote: 1-1 cha.Ma. satasahassaṃ koṭṭhāse katvā pana 2 ka. rūpena pāmiṃsūti
@3 cha.Ma. pasīdiṃsūti 4 ka. anugantvā 5 ka. upagatā
The Pali Atthakatha in Roman Character Volume 15 Page 355.
http://84000.org/tipitaka/read/attha_page.php?book=15&page=355&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=8209&pagebreak=1
http://84000.org/tipitaka/atthapali/rm_line.php?B=15&A=8209&pagebreak=1#p355
