ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๓๖๒.

ตํ ยถา ๑- ตสฺส อชฺฌาสโย, เอวํ ทาตุํ น สกฺโกติ, หาเปตฺวา อปฺปกํ เทติ.
ยถาธิปฺปายํ เทตีติ ยตฺตกํ โส อิจฺฉติ, ตตฺตกเมว เทติ. ปราธิปฺปายํ เทตีติ อปฺปกํ
ปวาเรตฺวา อวตฺถริตฺวา พหุํ เทติ.
                        ๑๐. กมฺโพชสุตฺตวณฺณนา
     [๘๐] ทสเม เนว สภายํ นิสีทตีติ วินิจฺฉยกรณตฺถํ วินิจฺฉยสภายํ เนว
นิสีทติ. น กมฺมนฺตํ ปโยเชตีติ กสิวณิชฺชาทิมหากมฺมนฺตํ น ปโยเชติ. น กมฺโพชํ
คจฺฉตีติ โภคสมฺภรณตฺถาย ๒- กมฺโพชรฏฺฐํ น คจฺฉติ. เทสนามตฺตเมว เจตํ, ยงฺกิญฺจิ
ติโรรฏฺฐํ น คจฺฉตีติ อตฺโถ. โกธโนติอาทีสุ โกธนตาย โกธปริยุฏฺฐิโต อตฺถานตฺถํ
น ชานาติ, อิสฺสุกิตาย ปรสมฺปตฺตึ น สหติ, มจฺฉริตาย ธนํ ทตฺวา กิจฺจํ
กาตุํ น สกฺโกติ, นิปฺปญฺญตาย กิจฺจํ สํวิธาตุํ น สกฺโกติ. ตสฺมา เอตานิ
สภานิสีทนาทีนิ กโรตีติ.
                         อปณฺณกวคฺโค ตติโย.
                         --------------
                          ๙. ๔. มจลวคฺค
                  ๑-๕.  ปาณาติปาตาทิสุตฺตปญฺจกวณฺณนา
     [๘๑-๘๕] จตุตฺถสฺส ปฐมาทีนิ อุตฺตานตฺถาเนว. ปญฺจเม "นีจกุเล
ปจฺจาชาโต"ติอาทิเกน ตเมน ยุตฺโตติ ตโม. กายทุจฺจริตาทีหิ ปุน นิรยตมูปคมนโต
ตมปรายโน. อิติ อุภเยนาปิ ขนฺธตโมว กถิโต โหติ. "อทฺธกุเล ปจฺจาชาโต"ติอาทิเกน
โชตินา ยุตฺตโต โชติ, อาโลกภูโตติ วุตฺตํ โหติ. กายสุจริตาทีหิ ปุน
สคฺคุปฺปตฺติโชติภาวูปคมนโต โชติปรายโน. อิมินา นเยน อิตเรปิ เทฺว เวทิตพฺพา.
@เชิงอรรถ:  ม. ยํ ยถา, ฉ. ยถา      สี. โภคสํหรณตฺถาว, โภเค สมฺภรณตฺถาย



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๓๖๒. http://84000.org/tipitaka/read/attha_page.php?book=15&page=362&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=8360&modeTY=2&pagebreak=1 http://84000.org/tipitaka/atthapali/th_line.php?B=15&A=8360&modeTY=2&pagebreak=1#p362


จบการแสดงผล หน้าที่ ๓๖๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]