Patitthati. Duggatibhayam paccavekkhantassa ajjhattam hiri samutthati, sassa tisu
dvaresu samvaram janeti, tisu dvaresu samvaro catuparisuddhisilam hoti. So tasmim
sile patitthaya vipassanam vaddhetva aggaphale patitthati.
2. Umibhayasuttavannana
[122] Dutiye udakorohantassati udakam otarantassa. Patikankhitabbaniti
icchitabbani. Susukabhayanti candamacchabhayam. Mukhavaranam manne karontiti mukhapidahanam
viya karonti. Odarikattassati mahodarataya mahagghasabhavassa. Arakkhiteneva
kayenatiadisu kayadvare tividhassa samvarassa abhavato arakkhitena kayena. Vacidvare
catubbidhassa samvarassa abhavato arakkhitaya vacaya.
3. Pathamananakaranasuttavannana
[123] Tatiye tadassadetiti tam jhanam sukhassadena assadeti. Nikametiti
pattheti. Vittim apajjatiti tutthim apajjati. Tadadhimuttoti tasmim adhimutto, tam
va adhimutto. Tabbahulavihariti tena jhanena bahulam viharanto. 1- Sahabyatam upapajjatiti
sahabhavam gacchati, tattha nibbattatiti attho.
Kappo ayuppamananti ettha pathamajjhanam atthi hinam, atthi majjhimam,
atthi panitam. Tattha hinena uppannanam kappassa tatiyo kotthaso ayuppamanam,
majjhimena upaddhakappo, panitena kappo tam sandhayetam vuttam. Nirayampi
gacchatiti nirayagamaniyassa kammassa appahinatta aparaparam gacchati, na antarameva.
Tasmimyeva bhave parinibbayatiti tasmimyeva rupabhave thatva parinibbayati, na hettha
otarati. Yadidam gatiya upapattiya satiti yam idam gatiya ca upapattiya
@Footnote: 1 Ma. viharati
The Pali Atthakatha in Roman Character Volume 15 Page 374.
http://84000.org/tipitaka/read/attha_page.php?book=15&page=374&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=8618&modeTY=2&pagebreak=1
http://84000.org/tipitaka/atthapali/rm_line.php?B=15&A=8618&modeTY=2&pagebreak=1#p374
