ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๕ ภาษาบาลี อักษรไทย องฺ.อ. (มโนรถ.๒)

หน้าที่ ๘๑.

"อิเธว ภนฺเต ภิกฺขุ วิวิจฺเจว กาเมหิ ฯเปฯ จตุตฺถํ ฌานํ อุปสมฺปชฺช วิหรติ.
อิทํ ภนฺเต อนุสฺสติฏฺฐานํ เอวํ ภาวิตํ เอวํ พหุลีกตํ ทิฏฺฐธมฺมสุขวิหาราย
สํวตฺตตี"ติ. อพฺภนุโมทิตา โหตีติ ตถาคโต วิย โยนิโส อพฺภนุโมทิตา โหติ.
ตถาคโต หิ อานนฺทตฺเถเรน ปเญฺห วิสฺสชฺชิเต "สาธุ สาธุ อานนฺท, เตนหิ
ตฺวํ อานนฺท อิมํ ๑- ฉฏฺฐํ อนุสฺสติฏฺฐานํ ธาเรหิ. อิธานนฺท ภิกฺขุ สโตว
อภิกฺกมติ สโตว ปฏิกฺกมตี"ติอาทิมาห. ฉฏฺฐาทีนิ อุตฺตานตฺถาเนว.
                          ๙. ขตสุตฺตวณฺณนา
      [๙] นวเม สุกฺกปกฺโข ปุพฺพภาเค ทสหิ ๒- กุสลกมฺมปเถหิ ปริจฺฉินฺโน, อุปริ
ยาว อรหตฺตมคฺคา ลพฺภติ. พหุญฺจ ปุญฺญํ ปสวตีติ เอตฺถ โลกิยโลกุตฺตรมิสฺสกํ
ปุญฺญํ กถิตํ.
                         ๑๐. มลสุตฺตวณฺณนา
      [๑๐] ทสเม ทุสฺสีลสฺส ภาโว ทุสฺสีลฺยํ, ทุสฺสีลฺยเมว มลํ ทุสฺสีลฺยมลํ.
เกนฏฺเฐน มลนฺติ? อนุทหนฏฺเฐน ทุคฺคนฺธฏฺเฐน กิลิฏฺฐกรณฏฺเฐน จ. ตญฺหิ นิรยาทีสุ
อปาเยสุ อนุทหตีติ อนุทหนฏฺเฐนปิ มลํ. เตน ๓- สมนฺนาคโต ปุคฺคโล มาตาปิตูนํปิ
สนฺติเก ภิกฺขุสํฆสฺสาปิ อนฺตเร โพธิเจติยฏฺฐาเนสุปิ ชิคุจฺฉนีโย โหติ,
สพฺพทิสาสุ จสฺส "เอวรูปํ กิร เตน ปาปกมฺมํ กตนฺ"ติ อวณฺณคนฺโธ วายตีติ
ทุคฺคนฺธฏฺเฐนปิ มลํ. เตน สมนฺนาคโต ปุคฺคโล คตคตฏฺฐาเน อุปตาปญฺเจว ลภติ,
กายกมฺมาทีนิ จสฺส อสุจีนิ โหนฺติ อปภสฺสรานีติ ๔- กิลิฏฺฐกรณฏฺเฐนปิ มลํ. อปิจ
ตํ เทวมนุสฺสสมฺปตฺติโย เจว นิพฺพานสมฺปตฺตึ จ มิลาเปตีติ มิลาปนฏฺเฐนปิ มลนฺติ
เวทิตพฺพํ. อิสฺสามลมจฺเฉรมเลสุปิ เอเสว นโย.
                          พาลวคฺโค ปฐโม.
@เชิงอรรถ:  ฉ.ม.,อิ. อิมมฺปิ   ฉ.ม.,อิ. ทสหิปิ
@ ฉ.ม. เตน จ   ก. อปรายนานีติ



เนื้อความอรรถกถาฉบับภาษาบาลี อักษรไทย เล่มที่ ๑๕ หน้าที่ ๘๑. http://84000.org/tipitaka/read/attha_page.php?book=15&page=81&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=15&A=1787&modeTY=2&pagebreak=1 http://84000.org/tipitaka/atthapali/th_line.php?B=15&A=1787&modeTY=2&pagebreak=1#p81


จบการแสดงผล หน้าที่ ๘๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]