Sangamasisanti tameva sangamatthanam. Ajjhavasatiti abhibhavitva avasati.
Idani yasma sammasambuddhassa ranno jatitthanadihi kattabbakiccam natthi,
imasmim pana sasane tappatibhage tayo puggale dassetum idam karanam abhatam, tasma
te dassento evameva kho bhikkhavetiadimaha. Tattha anagariyam pabbajito hotiti
ettha catuparisuddhisilam 1- pabbajjanissitamevati veditabbam. Saraniyam hotiti
"aham asukaratthe asukajanapade asukavihare asukamalake asukadivatthane asukacankame
asukarukkhamule pabbajito"ti evam yavajivam saritabbameva hoti na pammussitabbam.
Idam dukkhanti ettakam dukkham, na ito uddham dukkham atthi. Ayam dukkha-
samudayoti ettako dukkhasamudayo, na ito uddham dukkhasamudayo atthiti. Sesapadadvayepi
eseva nayo. Evamettha catuhi saccehi sotapattimaggo kathito. Kasinaparikammavipassana-
nanani pana maggasannissitaneva honti. Saraniyam hotiti "aham asukaratthe .pe.
Asukarukkhamule sotapanno jato"ti yavajivam saraniyam hoti asammussaniyam.
Asavanam khayati asavanam khayena. Cetovimuttinti phalasamadhim. Panna-
vimuttinti phalapannam. 2- Sayam abhinna sacchikatvati attanava abhivisitthaya pannaya
paccakkham katva. Upasampajja viharatiti patilabhitva viharati. Saraniyanti "maya
asukaratthe .pe. Asukarukkhamule arahattam pattan"ti attano arahattappattatthanam nama
yavajivam saraniyam hoti asammussaniyanti yathanusandhina 3- desanam nitthapesi.
3. Asamsasuttavannana
[13] Tatiye santoti atthi upalabbhanti. Samvijjamanati tasseva vevacanam.
Lokasminti sattaloke. Nirasoti anaso appatthano. Asamsoti asimsamano 4-
@Footnote: 1 cha.Ma.,i. catuparisuddhisilampi 2 i. cetovimuttiti phalasamadhi.
@pannavimuttiti phalapanna. 3 cha.Ma.,i. yathanusandhinava 4 cha.,i. asamsamano,
@Ma. asisamano
The Pali Atthakatha in Roman Character Volume 15 Page 84.
http://84000.org/tipitaka/read/attha_page.php?book=15&page=84&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=1858&modeTY=2&pagebreak=1
http://84000.org/tipitaka/atthapali/rm_line.php?B=15&A=1858&modeTY=2&pagebreak=1#p84
