บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN An.A. (manoratha.2) Page 95.
7. Attabyabadhasuttavannana [17] Sattame attabyabadhayati attadukkhaya. Parabyabadhayati paradukkhaya. Kayasucaritantiadini pubbabhage dasakusalakammapathavasena agatani, upari pana yava arahatta avaritaneva. 8. Devalokasuttavannana [18] Atthame attiyeyyathati attapilita bhaveyyatha. Harayeyyathati lajjeyyatha. Jiguccheyyathati guthe viya tasmim vacane sanjatajiguccha bhaveyyatha. Iti kirati ettha ititi padasandhibyanjanasilitthata, kirati anussavatthe nipato. Dibbena kira ayuna attiyeyyathati 1- evamassa sambandho veditabbo. Pageva kho panati pathamataramyeva. 9. Pathamapapanikasuttavannana [19] Navame papanikoti apaniko, apanam ugghatetva bhandavikkayakassa 2- vanijassetam adhivacanam. Abhabboti abhabbajanabhuto. 3- Na sakkaccam kammantam adhitthatiti yatha adhitthitam suadhitthitam hoti, evam samam attapaccakkham karonto nadhitthati. Tattha paccusakale padasaddena utthaya dipam jaletva bhandam pasaretva anisidanto pubbanhasamayam na sakkaccam kammantam adhitthati nama. Ayam hi yam cora rattim bhandam haritva "idam amhakam hatthato vissajjessama"ti apanam gantva appagghena denti, yampi bahu verino manussa rattim nagare vasitva patova apanam gantva bhandam ganhanti, yam pana 4- janapadam gantukama manussa patova apanam gantva bhandam kinanti, tappaccayassa labhassa assamiko apaniko hoti. 5- @Footnote: 1 cha.Ma. attiyathati 2 Ma. vikkayakassa 3 cha.Ma.,i. abhajanabhuto @4 cha.Ma.,i. yam va pana 5 cha.Ma.,i. assamiko hotiThe Pali Atthakatha in Roman Character Volume 15 Page 95. http://84000.org/tipitaka/read/attha_page.php?book=15&page=95&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=2117&modeTY=2&pagebreak=1 http://84000.org/tipitaka/atthapali/rm_line.php?B=15&A=2117&modeTY=2&pagebreak=1#p95
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]