ATTHAKATHA Book 16 : PALI ROMAN
An.A. (manoratha.3)
Page 1.

                   Manorathapurani nama anguttaranikayatthakatha
                         pancakadinipatavannana
                       ------------------
                namo tassa bhagavato arahato sammasambudadhassa.
                          Pancakanipatavannana
                          1. Pathamapannasaka
                  1. Sekhabalavagga 1. Sankhittasuttavannana
      [1] Pancakanipatassa pathame sattannam sekhanam balaniti sekhabalani. Saddhabaladisu
assaddhiyena 1- na kampatiti saddhabalam. Ahirikena 2- na kampatiti hiribalam.
Anottappena 3- na kampatiti ottappabalam. Kosajjena 4- na kampatiti viriyabalam.
Avijjaya na kampatiti pannabalam. Tasmati yasma imani sattannam sekhanam balani,
tasma.
                         2. Vitthatasuttavannana
       [2] Dutiye kayaduccaritenatiadisu upayogatthe karanavacanam, hiriyitabbani
kayaduccaritadini hiriyati jigucchatiti attho. Ottappaniddese hetvatthe
karanavacanam, kayaduccaritadihi ottappassa hetubhutehi ottappati bhayatiti attho.
        Araddhaviriyoti paggahitaviriyo anosakkitamanaso. Pahanayati pahanatthaya.
Upasampadayati patilabhatthaya. Thamavati viriyathamena samannagato. Dalhaparakkamoti
thiraparakkamo. Anikkhittadhuro kusalesu dhammesuti kusalesu anoropitadhuro
anosakkitaviriyo.
@Footnote: 1 cha.Ma. assaddhiye  2 cha.Ma. ahirike  3 cha.Ma. anottappe  4 cha.Ma. kosajje


The Pali Atthakatha in Roman Character Volume 16 Page 1.
http://84000.org/tipitaka/read/attha_page.php?book=16&page=1&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1&modeTY=2&pagebreak=1
http://84000.org/tipitaka/atthapali/rm_line.php?B=16&A=1&modeTY=2&pagebreak=1#p1