บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 154.
5. Adhigamasuttavaṇṇanā [79] Pañcame na āyakusaloti na āgamanakusalo. Na apāyakusaloti na apagamanakusalo. Chandanti kattukamyatāchandaṃ. Na sārakkhatīti 1- na rakkhati. 6. Mahantattasuttavaṇṇanā [80] Chaṭṭhe ālokabahuloti ñāṇālokabahulo. Yogabahuloti yoge bahulaṃ karoti. Vedabahuloti pītipāmojjabahulo. Asantuṭṭhibahuloti kusaladhammesu asantuṭṭho. Anikkhittadhuroti aṭṭhapitadhuro paggahitaviriyo. Uttariñca patāretīti sampati uttariñca viriyaṃ karoteva. Sattamaṃ uttānameva. 8-10. Dutiyanirayasuttādivaṇṇanā [82-84] Aṭṭhame pagabbhoti kāyapāgabbhiyādīhi samannāgato. Navamaṃ uttānameva. Dasame vighātavāti mahicchataṃ nissāya uppannena lobhadukkhena dukkhito. Sesaṃ sabbattha uttānamevāti. Arahattavaggo aṭṭhamo. ---------------- 9. Sītivagga 1. Sītibhāvasuttavaṇṇanā [85] Navamassa paṭhame sītibhāvanti sītalabhāvaṃ. Yasmiṃ samaye cittaṃ niggaṇhitabbantiādīsu uddhaccasamaye cittaṃ samādhinā niggahetabbaṃ nāma, @Footnote: 1 cha.Ma. ārakkhatītiThe Pali Atthakatha in Roman Character Volume 16 Page 154. http://84000.org/tipitaka/read/attha_page.php?book=16&page=154&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=3464&pagebreak=1 http://84000.org/tipitaka/atthapali/rm_line.php?B=16&A=3464&pagebreak=1#p154
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]