บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 156.
10. Ānisaṃsavagga 1-2. Pātubhāvasuttādivaṇṇanā [96-97] Dasamassa paṭhame ariyāyataneti majjhimadese. Indriyānanti manacchaṭṭhānaṃ. Dutiye saddhammaniyatoti sāsanasaddhamme niyato. Asādhāraṇenāti puthujjanehi asādhāraṇena. 7. Anavatthitasuttavaṇṇanā [102] Sattame anodhiṃ karitvāti "ettakāva saṅkhārā aniccā, na ito pare"ti evaṃ sīmaṃ mariyādaṃ akatvā. Anavaṭṭhitatoti 1- avaṭṭhitato ṭhānarahitā, 2- bhijjamānāva hutvā saṇṭhahissantīti 3- attho. Sabbaloketi sakale tedhātuke. Sāmaññenāti samaṇabhāvena, ariyamaggenāti attho. 8. Ukkhittāsikasuttavaṇṇanā [103] Aṭṭhame mettāvatāyāti mettāyuttāya pāricariyāya. Satta hi sekhā tathāgataṃ mettāvatāya paricaranti, khīṇāsavopi 4- pariciṇṇasatthuko. 9. Atammayasuttavaṇṇanā [104] Navame atammayoti tammayā vuccanti taṇhādiṭṭhiyo, tāhi rahito. Ahaṃkārāti ahaṃkāradiṭṭhi. Mamaṃkārāti mamaṃkārataṇhā. Sesaṃ sabbattha uttānatthamevāti. Ānisaṃsavaggo dasamo. Dutiyapaṇṇāsako niṭṭhito. @Footnote: 1 cha.Ma. anavatthitāti 2 cha.Ma. avatthitāya rahitā 3 cha.Ma. upaṭṭhahissantīti @4 cha.Ma. khīṇāsavoThe Pali Atthakatha in Roman Character Volume 16 Page 156. http://84000.org/tipitaka/read/attha_page.php?book=16&page=156&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=3501&pagebreak=1 http://84000.org/tipitaka/atthapali/rm_line.php?B=16&A=3501&pagebreak=1#p156
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]