ATTHAKATHA Book 16 : PALI ROMAN
An.A. (manoratha.3)
Page 159.

                          Sattakanipatavannana
                             pannasaka
                            1. Dhanavagga
                      1-5. Pathamapiyasuttadivannana
     [1-5] Sattakanipatassa pathame anavannattikamoti abhinnatabhavakamo. Tatiye
yoniso vicine dhammanti upayena catusaccadhammam vicinati. Pannayattham vipassatiti
sahavipassanaya maggapannaya saccadhammam vipassati. Pajjotassevati dipasseva. Vimokkho
hoti cetasoti tassa imehi balehi samannagatassa khinasavassa dipanibbanam
viya carimakacittassa vattharammanehi vimokkho hoti, gatatthanam na pannayati. Catutthe
saddho hotitiadini pancakanipate vannitaneva. Pancame dhananiti adaliddassa
karanatthena 1- dhanani.
                         7. Uggasuttavannana
     [7] Sattame uggo rajamahamattoti pasenadikosalassa mahaamacco. Upasankamiti
bhuttapataraso upasankami. Addhoti nidhanagatena dhanena addho. Migaro rohaneyyoti
rohanasetthino nattaram migarasetthim sandhayevamaha. Mahaddhanoti valanjanadhanena
mahadhano. Mahabhogoti upabhogaparibhogabhandassa mahantataya mahabhogo. Hirannassati
suvannasseva. Suvannameva hissa kotisankham ahosi. Rupiyassati sesassa tattakasaraka-
attharanapapuranadino paribhogaparikkharassa pamanasankhane vadoyeva natthi.
@Footnote: 1 cha.Ma. adaliddiyakaranatthena


The Pali Atthakatha in Roman Character Volume 16 Page 159.
http://84000.org/tipitaka/read/attha_page.php?book=16&page=159&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=3547&modeTY=2&pagebreak=1
http://84000.org/tipitaka/atthapali/rm_line.php?B=16&A=3547&modeTY=2&pagebreak=1#p159