บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 160.
8. Saṃyojanasuttavaṇṇanā [8] Aṭṭhame anunayasaññojananti kāmarāgasaññojanaṃ. Sabbāneva cetāni bandhanaṭṭhena saññojanānīti veditabbāni. Imasmiṃ sutte vaṭṭameva kathitaṃ. Sesaṃ sabbattha uttānatthamevāti. Dhanavaggo paṭhamo. ------------- 2. Anusayavagga 3. Kulasuttavaṇṇanā [13] Dutiyassa tatiye nālanti na yuttaṃ nānucchavikaṃ. Na manāpenāti na manamhi appanakena 1- ākārena nisinnāsanato paccuṭṭhenti, amanāpameva 2- dassenti. Santamassa parigūhantīti 3- vijjamānaṃpi deyyadhammaṃ etassa nigūhanti paṭicchādenti. Asakkaccaṃ denti no sakkaccanti lūkhaṃ vā hotu paṇītaṃ vā, asahatthā acittīkārena denti, no cittīkārena. 4. Puggalasuttavaṇṇanā [14] Catutthe ubhatobhāgavimuttoti dvīhi bhāgehi vimutto, arūpasamāpattiyā rūpakāyato vimutto, maggena nāmakāyato. So catunnaṃ arūpasamāpattīnaṃ ekekato vuṭṭhāya saṅkhāre sammasitvā arahattaṃ pattānaṃ catunnaṃ nirodhā vuṭṭhāya arahattappattaanāgāmino ca vasena pañcavidho hoti. Pāli panettha "katamo ca puggalo ubhatobhāgavimutto. Idhekacco puggalo aṭṭha vimokkhe kāyena phusitvā @Footnote: 1 Ma. appakena 2 cha.Ma. anādarameva 3 Sī. niguhantītiThe Pali Atthakatha in Roman Character Volume 16 Page 160. http://84000.org/tipitaka/read/attha_page.php?book=16&page=160&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=3566&pagebreak=1 http://84000.org/tipitaka/atthapali/rm_line.php?B=16&A=3566&pagebreak=1#p160
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]