บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 178.
Hoti:- yāva sīlapārisuddhijjhānavipassanā sotāpannabhāvādīnaṃ aññataramattakena vosānaṃ nāpajjissanti, tāva vuḍḍhiyeva bhikkhūnaṃ pāṭikaṅkhā, no parihānīti. 7. Saññāsuttavaṇṇanā [27] Sattame aniccasaññādayo aniccānupassanādīhi sahagatā saññā. 8. Paṭhamaparihānisuttavaṇṇanā [28] Aṭṭhame uppannānaṃ saṃghakiccānaṃ nittharaṇena bhāraṃ vahantīti bhāravāhino. Te tena paññāyissantīti te therā 1- tena attano therabhāvānurūpena kiccena paññāyissanti. Vo yogaṃ āpajjatīti payogaṃ āpajjati, sayaṃ tāni kiccāni kātuṃ ārabhatīti. 9. Dutiyaparihānisuttavaṇṇanā [29] Navame bhikkhudassanaṃ hāpetīti bhikkhusaṃghassa dassanatthāya gamanaṃ hāpeti. Adhisīleti pañcasīladasasīlasaṅkhāte uttamasīle. Ito bahiddhāti imamhā sāsanā bahiddhā. Dakkhiṇeyyaṃ gavesatīti deyyadhammapaṭiggāhake pariyesati. Tattha ca pubbakāraṃ karotīti tesaṃ bāhirānaṃ titthiyānaṃ datvā pacchā bhikkhūnaṃ deti. Sesaṃ sabbattha uttānamevāti. Vajjivaggo tatiyo. --------------- @Footnote: 1 cha.Ma. tesu yogaṃ āpajjatītiThe Pali Atthakatha in Roman Character Volume 16 Page 178. http://84000.org/tipitaka/read/attha_page.php?book=16&page=178&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=3967&pagebreak=1 http://84000.org/tipitaka/atthapali/rm_line.php?B=16&A=3967&pagebreak=1#p178
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]