บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 179.
4. Devatāvagga 5. Paṭhamamittasuttavaṇṇanā [36] Catutthassa pañcame duddadanti duppariccajaṃ mahārahabhaṇḍakaṃ. Dukkaraṃ karotīti kātuṃ asukaraṃ kammaṃ karoti. Dukkhamaṃ khamatīti sahāyassatthāya duradhivāsaṃ 1- adhivāseti. Guyhamassa 2- āvikarotīti attano guyhaṃ tassa āvikaroti. Guyhamassa parigūhatīti tassa guyhaṃ aññesaṃ nācikkhati. Khīṇena nātimaññatīti tassa bhoge khīṇe tena khayena taṃ nātimaññati, tasmiṃ omānaṃ attani ca atimānaṃ na karoti. 6. Dutiyamittasuttavaṇṇanā [37] Chaṭṭhe vattāti vacanakusalo. Vacanakkhamoti vacanaṃ khamati, dinnaṃ ovādaṃ karoti. Gambhīranti guyhaṃ rahassaṃ jhānanissitaṃ vipassanāmaggaphalanibbānanissitaṃ. 7. Saññāsuttavaṇṇanā 3- [38] Sattame idamme cetaso līnattanti uppanne cetaso līnatte "idaṃ me cetaso līnattan"ti yathāsabhāvato jānāti. Ajjhattaṃ saṅkhittaṃ nāma thīnamiddhānugataṃ. Bahiddhā vikkhittaṃ nāma pañcasu kāmaguṇesu vikkhittaṃ. Vedanātiādīni papañcamūlavasena gahitāni. Vedanā hi taṇhāya mūlaṃ sukhavasena taṇhuppattito, saññā diṭṭhiyā mūlaṃ avibhūtārammaṇe diṭṭhiuppattito, vitakko mānassa mūlaṃ vitakkavasena asmīti mānuppattito. Appāyāsappāyesūti upakārānupakāresu. Nimittanti kāraṇaṃ. Sesaṃ sabbattha uttānamevāti. Devatāvaggo catuttho. @Footnote: 1 Ma. durabhisambhavaṃ 2 Ma. guyhassa 3 cha.Ma. paṭhamapaṭisambhidāsuttavaṇṇanāThe Pali Atthakatha in Roman Character Volume 16 Page 179. http://84000.org/tipitaka/read/attha_page.php?book=16&page=179&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=3985&pagebreak=1 http://84000.org/tipitaka/atthapali/rm_line.php?B=16&A=3985&pagebreak=1#p179
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]