บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 185.
Brahmacariyavasam patijanatiti pucchati. Evam kirassa ahosi "brahmanasamaye vedam ugganhanta 1- atthacattalisa vassani brahmacariyam caranti. Samano pana gotamo agaram ajjhavasanto tisu pasadesu tividhanatakaratiya abhirami, idani kim nu kho vakkhati"ti imamattham sandhayevam pucchati. Tato ca bhagava mantena kanhasappam ganhanto viya amittam givayam padena akkamamano viya attano sankilesakale chabbassani padhanacariyaya rajjasukham va pasadesu natakasampattim va arabbha vitakkamattassapi anuppannabhavam sandhaya sihanadam nadanto yanhi tam brahmanatiadimaha. Tattha dvayadvayasamapattinti dvihi dvihi samapajjitabbabhavam. Dukkhasmati sakalavattadukkhato. Sanjagghatiti hasitakatham katheti. Sankilatiti kelim karoti. Sankelayatiti mahahasitam hasati. Cakkhuna cakkhunti attano cakkhuna tassa cakkhum pativijjhitva upanijjhayati. Tirokuddam va tiropakaram vati parakudde va parapakare va. Devoti eko devaraja. Devannataroti annataro devaputto. Anuttaram sammasambodhinti arahattanceva sabbannutanananca. 8. Samyogasuttavannana [51] Atthame sannogavisannoganti sannogavisannogasadhakam. Dhammapariyayanti dhammakaranam. Ajjhattam itthindriyanti niyakajjhattam itthibhavam. Itthikuttanti itthikiriyam. Itthakappanti nivasanaparupanadim itthiyakappam. Itthividhanti itthiya manavidham itthicchandanti itthiya ajjhasayacchandam. Itthissaranti itthisaddam. Itthalankaranti itthiya pasadhanabhandam. Purisindriyadisupi eseva nayo. Bahiddha sannoganti purisena saddhim samagamam. Ativattatiti anabhiratati evam vuttaya balavavipassanaya ariyamaggam patva ativattati. Imasmim sutte vattavivattam kathitam. @Footnote: 1 Ma. ugganhantiThe Pali Atthakatha in Roman Character Volume 16 Page 185. http://84000.org/tipitaka/read/attha_page.php?book=16&page=185&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=4118&modeTY=2&pagebreak=1 http://84000.org/tipitaka/atthapali/rm_line.php?B=16&A=4118&modeTY=2&pagebreak=1#p185
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]