ATTHAKATHA Book 16 : PALI ROMAN
An.A. (manoratha.3)
Page 189.

Pakkami, yava upasika atthasi, tava kotthanam hetthimatalam nama datthum nasakkhimsu.
Tato patthaya "nandamataya kotthagaram viya"ti voharo udapadi.
     Akatapatarasoti abhuttapataraso. Punnanti pubbacetana ca muncanacetana
ca. Punnamahitanti 1- aparacetana. Sukhaya hotuti sukhatthaya hitatthaya hotu. Evam
attano dane vessavanassa pattim adasi.
     Pakaraneti karane. Okkassa pasayhati akaddhitva abhibhavitva.
Yakkhayoninti bhummadevatabhavam. Teneva purimena attabhavena uddassesiti
purimasarirasadisameva sariram mapetva alankatapatiyatto sirigabbhe sayanatale attanam
dasseti. Upasika patidesitati upasika ahanti evam upasikabhavam desesim.
Yavadevati yavaeva. 2- Sesam sabbattha uttanamavati.
                        Mahayannavaggo pancamo.
                         Pannasako nitthito.
                           -----------
                          6. Abyakatavagga
                        1. Abyakatasuttavannana
     [54] Chatthavaggassa pathame abyakatavatthusuti ekamsadivasena akathitavatthusu.
Tathagatoti satto. Ditthigatametanti micchaditthimattakametam, na taya ditthiya
gahitasatto nama atthi. Patipadanti ariyamaggam. Na chambhatiti ditthivasena na kampati.
Sesapadesupi eseva nayo. Tanhagatanti ditthitanha. Sannagatadisupi eseva nayo.
@Footnote: 1 cha.Ma. punnamahiti  2 cha.Ma. yavadeti yavadeva


The Pali Atthakatha in Roman Character Volume 16 Page 189.
http://84000.org/tipitaka/read/attha_page.php?book=16&page=189&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=4211&modeTY=2&pagebreak=1
http://84000.org/tipitaka/atthapali/rm_line.php?B=16&A=4211&modeTY=2&pagebreak=1#p189