ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 16 : PALI ROMAN An.A. (manoratha.3)

Page 191.

Pathavitale 1- va upahanitva pathaviyam patitamattava nibbayeyya. Asankharena appayogena
kilese khepetva parinibbayiti asankharaparinibbayi. Sasankharena sampayogena
kilese khepetva parinibbayiti sasankharaparinibbayi. Gacchanti nirarakkham arannam.
Dayanti sarakkham abhayatthaya dinnam arannam. Sesamettha uttanatthameva. Imasmim
sutte ariyapuggalava kathitati.
                       3. Tissabrahmasuttavannana
     [56] Tatiye bhikkhuniyoti mahapajapatiya parivara pancasata bhikkhuniyo.
Vimuttati pancahi vimuttihi vimutta. Anupadisesati upadanasesam atthapetva 2-
pancahi vimuttihi anavasesahi vimutta. Saupadisese va saupadisesoti saupadana-
sese puggale "saupadanaseso ayan"ti. Itarasmimpi eseva nayo. Tissoti therassa
saddhivihariko brahma. Anulomikaniti patipattiya anulomani vivittani antima-
pariyantimani. Indriyaniti saddhadini vipassanindriyani. Samannanayamanoti
samannahare thapayamano. Na hi pana teti idam kasma arabhi? sattamassa
puggalassa dassanattham. Sattamo hi saddhanusaripuggalo na dassito. Atha bhagava
balavavipassakavasena tam dassento evamaha. Tattha sabbanimittananti sabbesam
niccanimittadinam. Animittanti balavavipassanasamadhim.
                       4. Sihasenapatisuttavannana
     [57] Catutthe macchariti pancamaccherayutto. Kadariyoti thaddhamacchariyo, paresam
diyamanampi vareti. Anuppadanaratoti punappunam danam dadamanova ramati. Anukampantati
"ko ajja amhehi anuggahetabbo, kassa deyyadhammam va patigganheyyama, dhammam
va deseyyama"ti evam cittena anukampamana.
@Footnote: 1 cha.Ma. pathavitalam  2 Si. agahetva



The Pali Atthakatha in Roman Character Volume 16 Page 191. http://84000.org/tipitaka/read/attha_page.php?book=16&page=191&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=4255&modeTY=2&pagebreak=1 http://84000.org/tipitaka/atthapali/rm_line.php?B=16&A=4255&modeTY=2&pagebreak=1#p191


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]